जिमेलको मेल सेटिङ परिवर्तन, ईमेल खोज्न झन सजिलो

गुगलले जिमेलको मेईल सेटिङमा केहि परिवर्तन गरेको छ । गुगलले प्रयोगकर्ताको सहजताको लागी गुगलले जिमेलमा ईमेलको प्रकार छुटई दिएको छ । जस अनुसार प्रयोगकर्ताले आफ्ना पुराना मेल, अपडेट्स वा प्रमोशन मेल सजिलै खोज्न सक्नेछन ।

केहि दिन अघि सम्म तपाईको जिमेल अकाउन्टमा फेसबुक, ट्वीटर, अन्य कुनै सोशल साईट वा अरु कुनैबाट आउने मेल, तपाईको रेगुलर मेलसँगै देखिन्थ्यो ।

तर अब यसलाई ३ भागमा बिभाजन गरिएको छ । पहिलो भाग अर्थात प्राईमरीमा तपाई जोडिनु भएको साथी भाई, बिजनेस पार्टनर वा अन्य प्रयोगकर्ताको मेल देखिनेछ भने दोस्रो भागमा तपाईको सोशल अकाउन्टको अपडेट मेल देखिनेछ ।

त्यस्तै तेस्रो भागमा ब्यवसायीक प्रमोशन मेल देखिनेछ । यी तिनै भाग तपाईको जिमेल अकान्ट खुलेपछि नै देखिनेछ । जिमेलमा गरिएको परिर्वतनले जिमेल अकाउन्ट ब्यवस्थित र सफा देखिएको छ । यो परिवर्तनलाई धेरै जिमेल प्रयोगकर्ताले मन पराएका छन ।

 

Posted in: समाचार