विन्डोज 8 सजिलै ह्याक हुन सक्दछः जर्मनी

इन्फर्मेशन सिक्यूरिटी का लागी जर्मनीको फेडरल अफिस (बीएसआई) ले आफ्नो वेबसाइट मार्फत विन्डोज 8 लाइ ह्याकरहरूले सजिलै ह्याक गर्न सक्ने जनाएको छ ।

बीएसआईले यसका साथै सरकारी एजेन्सिहरू तथा अन्य महत्वपूर्ण विभागहरूसंग जोडिएका अपरेटर्सलाइ यस्ता कुनैपनि सम्भावित खतरामाथि विशेष ध्यान दिन पनि भनेको छ । यो चेतावनी अमेरिकी सर्भिलान्स प्रोग्राम्ससंग जोडिएको महत्वपूर्ण जानकारिहरू लीक भएका कारण नागरिकहरूमा भड्किएको आक्रोसका बिचमा प्रकाशमा आएको छ । स्मरणीय छ कि जर्मन सरकारका लागी यी घटनाहरू एक ठुलो टाउको दुखाइ बनेको छ ।  
बीएसआई का अनुसार यो समस्या ट्रस्टेड प्लेटफर्म मोड्यूल वा टीपीएम 2.0 नामको एक कम्प्यूटर चिपको प्रयोगका कारण उत्पन्न हुन्छ । यस चिपलाइ विन्डोज 8 का कम्प्यूटरहरूमा प्रयोग गरिएको छ । यस चिप लगाउनुको उद्देश्य बिभिन्न प्रकारका सेक्यूरिटी सम्बन्धी खतराहरूबाट कम्प्यूटरहरूलाइ बचाउनु रहेको छ । तर बीएसआई यस कुरालाइ संयोग मान्दैन । उसले विन्डोज 8 र टीपीएम 2.0 चिप्स एक साथ इम्प्लिमेन्टेशन, ले बिभिन्न प्रविधिक कमजोरीहरू उत्पन्न गर्ने जनाउँदै यसका कारणले यूजरको कम्प्यूटरमा पूरा कन्ट्रोल गुम्दछ । यसको मतलब यस्ता कम्प्यूटरहरूलाइ सजिलै ह्याक गर्न सकिने जनाइएको छ ।
उता माइक्रोसफ्टले भने बीएसआई को उक्त स्टेटमेन्टमा कमेन्ट गर्न अस्विकार गरेको छ । उसले भनेको छ कि कम्प्यूटर बनाउने कम्पनिहरूसंग टीपीएम टेक्नोलजीलाइ डिजेबल गर्ने अप्सन पनि हुने गर्दछ, र यसलाइ ग्राहकले सजिलै आवश्यकता अनुसार इनेबल वा डिजेबल गर्न सक्दछन ।

Read more »

विन्डोज फोनमा युट्युब ब्लक!

विन्डोज फोनको युट्युव एपको विषयमा गुगल र माइक्रोसफ्टबीच विवाद चुलिएको छ। सेवा सर्तको उल्लङ्घन गरेको बताउँदै गूगलले विन्डोज फोनमा युटयुव एप ब्लक गरेपछि विवाद बढेको हो। गुगलले माइक्रोसफटसँग यो एपको लागि ुएचटीएमएल फाइभु कोड भाषाको प्रयोग गर्ने बताको थियो। तर पछि माइक्रोसफ्टले यो सर्त पूरा गरेन।
   
माइक्रोसफ्टले भने जानीजानी गुगलले विन्डोज फोनमा एप ब्लक गरेको आरोप लगाएको छ। ुद लिमिट्स अफ गुगल ओपननेसु अर्थात ुगुगलको खुलापनको सीमाु शीर्षकको ब्लग पोष्टमा माइक्रोसफ्टका वकील डेविड हावर्डले युटुव सेवा पुन सुरु गर्न आग्रह गरेका छन्।

डेविड हावर्डले गुगलको आपत्ति नमिल्दो भएको बताए। ुगुगलले सेवा बन्द गर्ने निर्णय जानिजानी गरेको हो ताकी हाम्रा उपभोक्ता अन्य तर्फ जाउनु हावर्डले लेखेका छन्( ुगुगललाई यो थहा छ कि हामी यो समस्या सुल्झाउन सक्दैनौ।ु

युटुवका सबै फिचर्सको लागी माइक्रोसफ्टले ब्राउजर अपग्रेड नगरेको गुगलले बताएको छ। अपग्रेड नगरी युटुव एप दोस्रो पटक रिलिज गर्नु सेवा सर्तको उल्लंघन भएको गुगलको दाबी छ।

Read more »

गोल्डन कलरको हुनेछ नयाँ आईफोन?

१० सेप्टेम्बर आउन अझै धेरै दिन बाँकी छ, तर टेक्नोलोजीको संसारमा को पर्खन सक्दछन र । यसै दिन एप्पलको नयाँ आईफोन लञ्च गर्ने अनुमान गरिएको छ । साथै आईफोन 5 को सस्तो भर्जन आईफोन 5C पनि आउन सक्नेछ ।

तर लेटेस्ट आईफोन 5S कस्तो हुनेछ, भेर विभिन्न अनुमानहरू गरिएका छन । सबैभन्दा धेरै सम्भावना भने यो कुराको गरिएको छ कि नयाँ आईफोनमा गोल्ड प्लेटेड बडी हुन सक्नेछ, यस स्टाइलमा एक नयाँ हाई पोइन्ट दिनेछ । यसको सम्भावना भएका केही तश्विरहरू इन्टरनेटमा अहिले लिक भैरहेका छन ।   यस बाहेक अहिले यो कुरा पनि मानिसहरूले बताइरहेका छन कि यसमा 128 जीबी को मेमोरी पनि आउन सक्नेछ । अहिले सम्म आईफोनको फरक-फरक मोडलमा 8, 16, 32 वा 64 जीबीको मेमोरी रहेको छ।

अर्को सम्भावना के बताइएको छ भने यसको प्रोसेसर पहिले भन्दा २० प्रतिशत धेरै फास्ट हुनेछ । आईफोन 5C लाइ लिएर अनुमान यो पनि छ कि यो एशियाली र ल्याटिन अमेरिकी देशहरूलाइ टार्गेट गर्दै कम प्राइस ट्यागमा आउनेछ।

Read more »

सस्ता आइफोन कस्ता छन्? (फोटो सहित)

सस्ता आइफोनको प्रतीक्षा गरिरहनु भएको छरु अब धेरै पर्खनु पर्दैन। दुई हप्तापछि एप्पलले आइफोन सी र आइफोन फाइभ एसलाई एकै साथ बजारमा ल्याउने तयारी गरेको छ। एशियाली बजामा भने यी स्मार्टफोनहरु सेप्टेम्बर २० मा मात्रै लञ्च गर्ने चर्चा छ। प्लाष्टिक निर्मित सस्ता आइफोनले सामसङको बजारलाई टक्कर दिने ग्याजेट विश्लेषकहरुको दाबी छ।

कस्ता छन् फिचररु
आम उपभोक्तालाई लक्ष्यित गरेर ल्याउन लागिएको आइफोन सी नामका यी स्मार्टफोनहरु प्लाष्टिकले बनेका छन्। र सुरुमा कम्तिमा ५ रंगमा आउनेछन्। एप्पलले सस्ता आइफोनमा आइओएस सभेन अपरेटिङ सिस्टम राखेको छ। ९ एमएम बाक्लो रहने आइफोन सी मा सिङ्गल कोर ए(फाइभ प्रोसेर छ। एप्पलले यो प्रोसेरलाई आइफोन फोर एस र फाइभमा पहिलै प्रयोग गरिसकेको छ। डिजाइन बडी कर्ब राउन्डेड रहने यी आइफोनहरुको भोल्युम बटन आइपडको जस्तै लामो रहनेछ। आइफोन सी ६४ एमएम चौडाइ र १२०एमएम लम्बाइ रहनेछ। स्क्रिन साइज आइफोन फाइभ शैलीकै ४ इञ्चको रेटिना डिस्प्ले रहनेछ। सस्ता आइफोनमा ८ मेगापिक्सेलको क्यामरा राखिएको छ। एप्पलले सस्ता आइफोनमा धेरै फिचर्स आइफोन फाइभसँग मिल्दाजुल्दा राखेको छ। यसले गर्दा आइफोन फाइभका प्रयोगकर्तालाई आफूलाई अपग्रेड गर्ने दवाब पर्नेछ।

एप्पलले महँगो बजारसँगै सस्तो बजारमा पनि कब्जा गर्न यस प्रकारका आइफोन ल्याउन लागेको बताइन्छ। यस भन्दा पहिला एप्पलले आफ्ना पुराना मोडलहरुलाई सस्तोमा बेच्ने पहल पनि गरेको थियो। तर बजारमा चलेका सस्ता एन्ड्रोइड फोनले उसको योजनालाई विफल पारिदिएपछि सस्ता आइफोन ल्याउन लागेको हो।

Read more »

अब टेलिफोनका नम्बर परिवर्तन हुने

४ भदौ, काठमाण्डौं । नेपाल दूरसञ्चार प्राधिकरणले सबै प्रकारका टेलिफोन नम्बर परिवर्तन गर्ने भएको छ । सोका लागि प्राधिकरणले नयाँ राष्ट्रिय नम्बरिङ योजनाको तयारी थालेको छ ।

प्राधिकरणले सबै प्रकारका टेलिफोन नम्बरलाई समयानुकुल परिवर्तन गर्न र व्यवस्थित पार्न नयाँ योजनाको तयारी थालेको हो । त्यसका लागि योजनाको मस्यौदासमेत तयार पारिसकिएको प्राधिकरणका बरिष्ठ निर्देशक आनन्दराज खनालले जानकारी दिएको अभियान दैनिकमा खबर छ । ‘नम्बरिङ योजनाको मस्यौदा तयार पार्न गठित समितिले आफ्नो सुझावसहितको प्रतिवेदन बुझाईसकेको छ,’ उनले भने, ‘छलफल र अन्तरक्रियाबाट मस्यौदालाई अन्तिमरुप दिई चालू आर्थिक बर्षबाटै यो योजना लागू गरिनेछ ।’

प्राधिकरणले ३ बर्ष अघिदेखि नै यस्तो योजनाको तयारी थाले पनि त्यसले पूर्णता पाउन सकेको छैन् ।

Read more »

९० सेकेण्डमा १ लाख स्मार्टफोन बिक्यो !

एक रिपोर्टमा जनाइए अनुसार एक चाइनीज कम्पनीको स्मार्टफोन १ लाख यूनिट्स मात्र ९० सेकेण्ड भित्र बिक्री भएर नयाँ रेकर्ड बनाएको छ ।  होङमी नामको उक्त स्मार्टफोन बनाउने कम्पनी शाओमी ले बताए अनुसार करीब ७५ लाख डिभाइस अहिले पनि रिजर्भमा राखिएको छ । साथै कम्पनीले अझै धेरै संख्यामा उक्त डिभाइसहरू बनाइरहेको बताइएको छ । किन भने यी सबै बिक्ने  विश्वास कम्पनीले लिएको बताइन्छ ।

होङमी शब्दको अर्थ रेड राइस हुने गर्दछ, इन्डिपेन्डेन्ट रिपोर्ट्समा जनाइए अनुसार यसको मूल्य ८३ पाउण्ड (नेपाली रूपैया करिब १३ हजार रूपैया) रहेको छ । यस स्मार्टफोनमा 4.7 इन्चको स्क्रीन छ भने 720×1280 पिक्सेल रेजूल्युसन, 1.5 गीगाहर्त्ज क्वाड-कोर प्रोसेसर रहेको बताइएको छ ।
उक्त फोनमा 1 जीबी र्याम छ भने 4 जीबीको इन्टरनल मेमोरी रहेको छ । यद्दपी स्टोरेजलाइ माइक्रो-एसडी कार्ड मार्फत 32 जीबी सम्म बढाउन सकिन्छ । फोनमा पछाडि पट्टि 8 मेगापिक्सेल र अगाडी पट्टी 1.3 मेगापिक्सेलको क्यामरा रहेको छ ।

मुख्य कुरा यो डिभाइसलाइ चीन बाहिर प्रयोग गर्न सकिँदैन । किनभने यसले TD-SCDMA 3G लाइ मात्र सपोर्ट गर्दछ ।

 चीनको पूरै स्मार्टफोन बजारमा शाओमीको ५ प्रतिशत हिस्सा रहेको छ । तर कम्पनीले यस बर्षको अन्तसम्ममा बजारमा २ करोड  स्मार्टफोन बेच्ने योजना बनाइरहेको छ ।

Read more »

अब कम्पूटर बाट नै रिर्चाज गर्नुहोस्

नेपाल टेलिकमले सीडीएमए प्रिपेडको रिचार्ज कम्प्युटरबाटै गर्न सकिने सुविधा उपलब्ध गराउन थालेको छ।

टेलिकमको वेबसाइट एनटिसी डट नेट डट एनपी खोलेपछि सिडिएमए रिचार्ज लेखिएको स्थानमा क्लिक गरी यो सुविधा प्रयोग गर्न सकिन्छ।

यसका लागि सिडिएमए मोबाइल नम्बर र रिचार्ज कार्डको पिन नम्बर टाइप गरी रिचार्ज बटन थिच्नुपर्छ। त्यसपछि यो प्रक्रिया पूरा हुन्छ। नेपालमा वेबसाइटबाटै मोबाइलमा रिचार्ज गर्न मिल्ने यो पहिलो सुविधा हो।

Read more »

मोबाइलमा गुणस्तर दिन नसके ३५ लाखसम्म जरिवाना

 मोबाइल र ल्यान्डलाइन सेवा उपलब्ध गराउने कम्पनीले ग्राहकलाई तोकिएको गुणस्तर दिन नसके ३५ लाख रुपैयाँसम्म जरिवाना गर्न सक्ने गरी कानुन बनाउने तयारी थालिएको छ । गुणस्तर मापदण्डमा केही सुधार गरेर कारबाहीको दायरा समेत समेटी दूरसञ्चार प्राधिकरणले यस्तो कानुन ल्याउन लागेको हो ।

दूरसञ्चार सेवा उपलब्ध गराउने कम्पनीबीचको गुणस्तरमा एक रूपता ल्याउँदै ग्राहकको हित संरक्षणका लागि यस्तो नियम बनाउन लागिएको हो । ुअनुगमन प्रणालीलाई सुधार गरेर कारबाही पनि गर्न सक्ने गरी नियमको मस्यौदा बनाइएको छ,ु दूरसञ्चार प्राधिकरणका निर्देशक आनन्दराज खनालले भने, ुछलफलपछि आवश्यक परे संशोधन गरेर पारित गर्न मन्त्रालय पठाइने छ ।ु

अन्तर्राष्ट्रिय टेलिकम्युनिकेसन युनियन ९आईटीयू० को सहयोगमा दूरसञ्चार प्राधिकरणले सेवाको गुणस्तरसम्बन्धी नयाँ कानुन बनाउन लागेको हो । हाल कानुनको मस्यौदा तयार गरेर ३० दिनभित्र प्राधिकरणले सरोकारवालासँग सुझाव मागेको छ । त्यसपछि अन्तिम रूप दिएर मन्त्रालयमार्फत कानुनका रूपमा लागू हुने छ । नयाँ नियमावलीमार्फत उक्त व्यवस्था गरिने छ ।

तयार पारिएको मस्यौदाअनुसार ग्राहकले सेवा नपाउने सम्भावना १ प्रतिशतभन्दा कम हुनुपर्ने छ । ुनेटवर्क डाउनटाइमु भनी राखिएको यो मापदण्डमा निश्चित अवधिभित्र प्रयोगकर्ताले चाहेको समयमा सेवा उपलब्ध भएरनभएको हेरिने छ ।

एउटा मोबाइलबाट अर्को मोबाइलमा फोन गर्दा सम्पर्क हुने समय ५ सेकेन्ड वा कम हुनुपर्ने व्यवस्था यसमा राखिएको छ । सम्पर्क भइसकेपछि दुईमध्ये एक ग्राहकले फोन नराखेसम्म कल टुट्न नहुने अवस्था ९८ प्रतिशत रहनुपर्ने व्यवस्था गर्न लागिएको छ । हाल फोन नलाग्ने र लागिहाले बीचबीचमै काटिने अवस्था केही नेटवर्कमा देखिन्छ ।

दुई ग्राहकबीच फोनमा कुरा गर्दा सुनिने आवाजको गुणस्तर पनि मापण्डमा पारिएको छ । जसअन्तर्गत निश्चित प्रक्रियाबाट ग्राहकको मत लिएर सेवा प्रदायकलाई अंक दिइने छ । एकै सेवा प्रदायकको सेवा क्षेत्रभित्र र ल्यान्डलाइनमा ट्रक कोड डायल गरेर सम्पर्क गर्दा विच्छेद हुने सम्भावना ३ प्रतिशत वा सोभन्दा कम हुनुपर्ने छ ।

मोबाइलमा नेटवर्क देखाए पनि सेवा पाउन नसक्ने सम्भावना २ प्रतिशत वा कम हुनुपर्ने व्यवस्था मस्यौदामा छ । मस्यौदा जस्ताको त्यस्तै लागू भए डाटा सेवा लिएका ग्राहकले ४ घन्टाभित्रै चलाउन सक्ने व्यवस्था हुने छ । ुएक्टिभेसनु समय बढीमा ४ घन्टा र ९५ प्रतिशतभन्दा बढी सफल हुनुपर्ने व्यवस्था राखिएको छ । डाटा डाउनलोड गर्दा कुलको ८० प्रतिशतभन्दा बढी सफल हुनुपर्ने मापदण्डको व्यवस्था गर्न लागिएको छ । यसमा अपलोडलाई भने ७५ प्रतिशतभन्दा बढी राख्नुपर्ने छ ।

ग्राहकले खरिद गरेको डाटा प्याकेजअनुसार सम्पर्क भइरहेको छ छैन भनेर ुथ्रुपुटु पनि प्राधिकरणले अध्ययन गर्ने छ । जसमा ग्राहकले लिएको सेवा ७५ प्रतिशतभन्दा बढी पाउनुपर्ने छ । इन्टरनेट डाटा प्रयोगकर्ताले पठाएको सूचना अर्को प्रयोगकर्तासम्म पुग्न लाग्ने समय २ सय ५० मिलिसेकेन्डभन्दा कम हुनुपर्ने व्यवस्था गरिएको छ ।

ग्राहकले यस्ता सेवा लिएपछि बिल भुक्तानी गर्दा हुने गुनासो २ प्रतिशतभन्दा कम हुनुपर्ने छ । भएका गुनासामध्ये ९० प्रतिशत १५ दिनभित्रै सुल्झनुपर्ने व्यवस्था पनि राखिएको छ ।

कानुनमा तोकिएका गुणस्तरबारे प्राधिकरणले आफैं जानकारी नदिई परीक्षण गर्न सक्ने र फेला पारिएका नतिजा सार्वजनिक रूपमा प्रकाशन गर्न सक्ने प्रावधान मस्यौदामा राखिएको छ । तोकिएको गुणस्तर पूरा नगर्दा पहिलो ६ महिना कुनै पनि जरिवाना नगर्ने तर त्यसपछि १ वर्षसम्म १५ लाख रुपैयाँ तोकिएको छ । दुई वर्षसम्म सुधार नभए २० लाख र ५ वर्ष पुगेपछि ३५ लाख रुपैयाँ जरिवना लगाइने छ ।

मोबाइल सेवाको विस्तारसँगै ग्राहकबाट गुणस्तरबारे गुनासो आउने क्रम पछिल्ला वर्ष बढेको छ । सेवाको गुणस्तर खस्कनमा सबैभन्दा धेरै असर विद्युत् अभाव रहेको सेवा प्रदायक बताउँछन् । लोडसेडिङको समयमा वैकल्पिक ऊर्जाको व्यवस्था गर्नुपर्ने र त्यसले लामो समय काम नगर्दा समस्या पर्ने गरेको छ ।

अर्कोतर्फ खरिद गरिएको उपकरणको गुणस्तरका कारण पनि समस्या पर्ने गरेको छ । ग्राहकको मोबाइल फोन सेट गुणस्तरीय नहुँदा पनि नेटवर्क राम्ररी नचल्ने समस्या देखिने सेवा प्रदायक दाबी गर्छन् ।

Read more »

पिसाब जाँच्ने मोबाइल एप्प

स्मार्ट फोनमा राखिएको युचेक नामक एप्पले स्मार्ट फोनकै क्यामेराको सहायताबाट विभिन्न रोगहरू पत्ता लगाउन सकिने भएको छ।

उक्त मोबाइल एप्पको प्रदर्शन हालै अमेरिकाको लस एन्जेलस शैक्षिक प्राविधिक मेलामा गरिएको थियो। युचेक नामक एप्पले मानिसमा लाग्ने विभिन्न २५ किसिमका रोग पत्ता लगाउन सक्छ। विकासशील देशहरूका लागि यो एप्प अति नै उपयोगी साबित हुनेछ।

यो एप्पले पिसाबमा भएको ग्लुकोज, प्रोटिन, नाइट्रिट आदि दस किसिमका तत्व पत्ता लगाउन सक्छ। यसबाट मधुमेह, मूत्रनलीको संक्रमण, क्यान्सर, लिभर संक्रमणलगायतका प्राणघातक रोगहरू क्षणभरमै र अस्पतालको खर्चभन्दा सस्तो दरमै परीक्षण गराउन सकिन्छ।

एक प्रकारको टेस्ट स्ट्र्पि बिरामीको पिसाबमा डुबाएपछि विभिन्न तत्वको तस्बिर बाहिर देखिन थाल्छ र मोबाइलको क्यामेराले पढेर तस्बिरमा देखिने तत्वहरूको विश्लेषण गरी रोग भए(नभएको देखाउँछ। यो एप्प २० डलर शुल्क तिरेर एप्पलको एपस्टोरबाट डाउनलोड गर्न सकिन्छ। (

Read more »