५ रंगमा नोकिया लुमियाका नयाँ भर्सन

लुमिया ९२५ लुमिया ९२५

नयाँ दिल्ली( नोकियाले आफ्नो लुमिया सिरिजलाई लगातार बढाउँदै गएको छ। कम्पनीले यही सिरिजमा दुई नयाँ विन्डोज ८ फोन लन्च गरेको छ। लामो प्रतीक्षापछि सार्वजनिक गरिएका लुमिया ६२५ पाँच र लुमिया ९२५  तीन रंगमा उपल्बध छन्। यी फोनमा रहेका फिचर्सका कारण पहिलेदेखि नै विशेष चर्चा भइरहेको थियो। नोकियाले सेतो, कालो, पहेँलो, रातो हरियो रंगमा लुमिया ६२५ ल्याएको छ।

नोकिया लुमिया ९२५ मा ८।७ मेगापिक्सल क्यामरा छ। यसमा प्रयोग भएको पियोर भ्यु प्रविधिले कम प्रकाशमा पनि राम्रो तस्विर खिच्न सकिन्छ। साथै फरक फरक मोडमा बेस्ट सट, एक्सन सट तथा मोसन फोकसमा हाई क्वालिटी तस्विर लिन सकिन्छ। यो मोडेलका फोन सेतो, कालो र खैरो गरी ३ रंगमा उपलब्ध छन्। नोकिया लुमिया ९२५ का धेरै फिचर्स लुमिया ९२० सँग मिल्दा जुल्दा छन्।

नोकिया लुमिया ९२५ मा १।५ गीगाहटर्ज डुअल कोर स्नेपड्रेगन एस ४ प्लस प्रोसेसर, १ जीबी र्‍याम, १६ जीबी इन्टरनल स्टोरेजले एकै साथ काम गर्छ। लुमिया ९२५ मा ४।५ इन्चको एमोलेड डिस्प्ले राखिएको छ।  यस फोनमा ४।७ इन्च डिस्प्ले रहेको छ। १ गिगाहर्ज डुअल कोर स्नेपड्रेगन प्रोसेसर, ५१२ एमबी र्या७म र ८ जीबी इन्टरनल मेमोरी छ। फोटोग्राफीको लागि ५ मेगा पिक्सल क्यामरा छ।

नोकियाले लुमिया ९२५ र लुमिया ६२५ लाई एकै साथ भारतीय बजारमा ल्याएको हो।

Read more »

संसारको सबैभन्दा पातलो स्मार्टफोन वीवो X3 सार्वजनिक

भाद्र ११, चाइनीज मोबाइल कम्पनी वीवोले संसारकै सबैभन्दा पातलो स्मार्टफोन वीवो एक्स 3 सार्वजनिक गरेको छ । वीवो एक्स 3 मात्र 5.75 मिलीमीटर मोटाइको रहेको छ ।  स्लीकनेसको मामलामा यो स्मार्टफोनले वावे असेन्ड पी6 (6.18 मिलीमीटर) लाइ समेत पछि पारेको छ ।  

यस फोनमा 720p को 5 इन्चको स्क्रीन, एक 1.5 गीगाहर्त्ज क्वाड-कोर मीडियाटेक प्रोसेसर र 8 मेगापिक्सेल को रियर क्यामरा रहेको छ । जुन एलईडी फ्ल्याशका साथमा रहेको छ । यस बाहेक यसको फ्रन्ट क्यामरा 5 मेगापिक्सेलको रहेको छ ।  X3 को र्याम 1 जीबी को छ, जसमा दुइ वटा सिम कार्ड यूज गर्न सकिन्छ । यसमा 16 जीबी इन्टरनल मेमरी दिइएको छ । तर यसमा मेमरी कार्ड रीडर छैन ।

वीवो ऐन्ड्रोइडको 4.2 जेलीबीन मा रन हुन्छ । चीनमा यो फोन २४९८ युआन ( नेपाली करिब ४२,०००) रहेको छ ।
स्लीकनेस फ्ल्यागशिपमा सहभागी कम्पनीहरूका फोनहरूमा सामसुङको ग्यालेक्सी एस4 को थिकनेस 7.9 मिलीमीटर र एचटीसी वन को 9.3 मिलीमीटर रहेको छ । तर सेप्टेम्बरमा रिलिज हुन लागेको उमेओक्स कम्पनीको X5 वीवोको एक्स3 भन्दा पातलो हुने अनुमान गरिएको छ ।

Read more »

माइक्रोम्याक्सले ल्यायो सबैभन्दा ठुलो फोन…

भाद्र १०, माइक्रोम्याक्सले आफ्नो नयाँ मोबाइल डूडल 2 ए 240 लन्च गरेको छ । कम्पनीको यो फोन अहिले सम्मकै सबैभन्दा ठुलो मोबाइल हो । माइक्रोम्याक्स युवाहरूमा अहिले निकै मनपर्ने मोवाइल बनिसकेको छ । माइक्रोम्याक्सले क्यानभास डूडल 2 ए 240 को अनलाइन ब्रिकी पनि शुरू गरिसकेको छ । 

माइक्रोम्याक्सको यस फोनमा 5.7 इन्चको 1280 x 720 पिक्सेल को स्क्रीन रहेको छ । यो स्क्रीनमा एचडी र आईपीएस डिस्प्ले सहितको छ । यसमा 1.2 गीगाहर्ट्ज कोर प्रोससेर रहेको छ । यो एन्ड्रोइड 4.2 जेलीबिनमा रन हुन्छ ।

माइक्रोम्याक्सको यो फोन 12 मेगापिक्सेलको क्यामरा ड्यू ल एलईडी फ्ल्याशका साथमा रहेको छ । फ्रन्टमा 5 मेगापिक्सेलको क्यामरा रहेको छ । यसमा 2600 एमएएच को ब्याटरी लगाइएको छ । यस फोनमा जीएसएम ड्यूल सिम रहेको छ । 12 जीबी को इन्टरनल मेमोरी, जसले 32 जीबी सम्मको माइक्रोकार्ड एसडी राखि बढाउन सकिन्छ । यस फोनमा 3G, WiFi 802.11 b/g/n, Bluetooth, GPS/A-GPS जस्ता बिशेषताहरू पनि छन । यस फोनको मूल्य करीब ३६,००० रूपैयाँ रहेको बताइएको छ ।

Read more »

इन्टरनेट प्रयोगकर्तामा भारतले पछार्यो जापानलाई

विश्वमा स्मार्टफोनको तेश्रो ठूलो बजारको रुपमा स्थापित भैसकेको भारत इन्टरनेट प्रयोगकर्ताको संख्याको आधारमा पनि तेश्रो नम्बरमा उक्लिएको छ । कम स्कोर नामक संस्थाको पछिल्लो रिपोर्ट अनुसार जापानलाई पछि पार्दै भारत बढि इन्टरनेट प्रयोगकर्ता भएका मुलुकमध्ये तेश्रो स्थानमा चढेको हो । इन्टरनेट प्रयोगकर्ताको संख्याको हिसाबले चीन पहिलो र अमेरिका दोश्रो स्थानमा रहेको छ ।

इण्डिय डिजिटल फ्युटर इन फोकस २०१३ नामक प्रतिवेदन अनुसार भारतमा अहिले ७ करोड ३९ लाख मानिसले घर वा कार्यालयमा अनलाइन सेवाको उपभोग गरिररहेका छन् । भारतमा इन्टरनेट प्रयोगकर्ताको वाषिर्क वृद्धिदर ३१ प्रतिशत पुगेको रिपोर्टमा उल्लेख गरिएको छ । एसिया प्रशान्त क्षेत्रका ६४ करोड ४० लाख इन्टरनेट प्रयोगकर्ता मध्ये चिनियाहरुले ५४ प्रतिशत ओगटेका छन् । भारतले ११.५, जापानले ११.४, दक्षिण पूर्वी एसियाले ९.६ र एसिया प्रशान्त मुलुकका अन्य देशले समग्रमा १३.५ प्रतिशत हिस्सा ओगटेका छन् ।
तथ्यांक अनुसार युवा इन्टरनेट प्रयोगकर्तामा भारत एक नम्बरमा छ । भारतका इन्टरनेट प्रयोगकर्ता मध्ये ७५ प्रतिशत ३५ वर्षमुनिका छन् । त्यस्तै भारतको हकमा इन्टरनेट चलाउने जनसंख्या मध्ये ३९ प्रतिशत महिला रहेका छन् ।
विश्वमा इन्टरनेट प्रयोगमा लैंगिक अनुपातको हिसाबलेे रुस अग्रस्थानमा छ । रुसमा इन्टरनेट चलाउने जनसंख्या मध्ये ५२ प्रतिशत महिला छन् । यस्तो संख्या ब्राजिलमा ४९, चीनमा ४५ प्रतिशत रहेको छ ।

Read more »

एनसेलको चाडपर्व उपहार योजना ‘नगदमा गदगद’

९ भदौ, काठमाडौं । निजी क्षेत्रको दुरसञ्चार सेवा प्रदायक कम्पनी एनसेलले चाडपर्वको अवसर पारी ‘नगदमा गद्गद’ नामक नयाँ उपहार योजना ल्याएको छ । चाडपर्वमा ग्राहकहरुलाई आकर्षक उपहारसहित उत्कृष्ट नेटवर्क र स्तरिय सेवा प्रदान गरेर थप खुशियाली प्रदान गर्न नयाँ उपहार योजना ल्याएको कम्पनीले जनाएको छ । योजना भदौ १० गतेदेखि १० हप्तासम्म संचालन हुनेछ ।

प्रत्येक हप्ता ५० रुपैयाँ वा सोभन्दा बढी मेन व्यालेन्सबाट खर्च गर्ने एनसेलका ग्राहकहरु यस योजनामा सहभागी हुन सक्नेछन् । जसमध्ये उपहार योजनाअन्तर्गत हरेक हप्ता एकजना भाग्यशाली एनसेल ग्राहकले नगद १० लाख रुपैयाँ प्राप्त गर्ने छ । साथै, प्रत्येक हप्ता १ लाख ग्राहकले ५० रुपैयाँको बोनस व्यालेन्स र अन्य एक लाख ग्राहकले ५० वटा निःशुल्क एसएमएस प्राप्त गर्न सक्ने कम्पनीद्धारा जारी विज्ञप्तीमा उल्लेख गरिएको छ ।

उपहार योजनामा एनसेलका पि्रपेड तथा पोष्टपेड सबै ग्राहकहरु सहभागी हुन सक्ने बताइएको छ । एक हप्तामा ५० रुपैयाँ बराबरको मेन व्यालेन्स प्रयोग गर्दा ग्राहकले एसएमएस मार्फत एउटा टिकट नम्बर प्राप्त गर्नेछन् । यदि कुनै ग्राहकले उक्त हप्ता सय रुपैयाँ खर्च गरेको छ भने २ वटा टिकट नम्बर प्राप्त गर्नेछन् ।

एक हप्ताभरि गरिएको सेवा प्रयोगको आधारमा एसएमएस मार्फत प्राप्त गरिने टिकट नम्बरहरुबाट हरेक सोमबार लक्की ड्र गरि विजेता घोषणा गरिने कम्पनीले जानकारी दिएको छ । एसएमएस र वोनस रकम पनि सोहि दिन प्रदान गर्ने बताइएको छ । लक्कि ड्र मार्फत प्राप्त भएको एसएमएस र वोनस रकम एक साताभित्र प्रयोग गरिसक्नुपर्ने एनसेलका कर्पोरेट कम्यूनिकेशन एक्सपर्ट मिलन शर्माले बताउनुभयो ।

Read more »