नोकियाले ल्यायो सबैभन्दा ठुलो डिस्प्ले भएको स्मार्टफोन लूमिया 625

श्रावण ९, फिनल्याण्डको कम्पनी नोकियाले नोकिया लूमिया 625 स्मार्टफोन सार्वजनिक गरेको छ ।  नोकियाको अहिले सम्मकै सबै फोनहरूमध्ये यो फोनको स्क्रीन सबैभन्दा ठुलो हो ।

4जी कनेक्टिभिटी भएको यस फोनमा 4.7 इंच को सुपर-सेन्सेटिभ एलसीडी स्क्रीन रहेको छ । नोकियाले अहिले सम्म सबैभन्दा ठुलो 4.5 इन्चको स्क्रीन भएको फोनहरू मात्र ल्याएको थियो ।

नोकियाले यस फोनलाइ निकै अफोर्डेबल भएको बताएको छ । यसको मूल्य कर बाहेक 220 यूरो (नेपाली रूपैयाँ करीब २८०००) तोकेको छ ।

फोनमा 201 पीपीआई पिक्सेल डेन्सिटी भएको 4.7 इन्चको WVGA डिस्प्ले रहेको छ । यसलाइ प्रकासमा पनि हेर्न सकिन्छ । यसमा 1.2 गीगाहर्त्ज ड्यूल कोर प्रोसेसर र 512 एमबी र्याम राखिएको छ । एलईडी फ्ल्याश र अटोफोकसका साथमा 5 मेगापिक्सेलको मेन क्यामरा र भिजीए फ्रन्ट क्यामरा रहेको छ । 8 जीबीको इन्टरनल स्टोरेज भएको यस फोनमा 64 जीबी सम्मको एसडी कार्ड लगाउन सकिन्छ ।  यसमा 2000mAh को ब्याट्री रहेको छ । विन्डोज फोन 8 अपरेटिङ सिस्टममा चल्ने यो फोनको बाहिरि भाग सजिलै परिवर्तन गर्न सकिन्छ, जुन 5 वटा ब्राइट कलर्सहरूमा उपलब्ध हुनेछ ।  
नोकियाले यस फोनलाइ यो बर्षको त्रैमास (जुलाई-सेप्टेम्बर) सम्म भारत, चीन, यूरोप, एशिया पसिफिक, मिडल ईस्ट, अफ्रीका र ल्याटिन अमेरिकामा ल्याउने बताएको छ ।

Posted in: मोवाईल ब्रान्ड