गुगलले ल्यायो नेक्सस–५ स्मार्टफोन, केके छन नयाँ सुबिधा ?

गुललले आफ्नो नेक्सस स्मार्टफोनको नयाँ संस्करण लन्च गरेको छ । यो नेक्सस ४ भन्दा सानो हुनुका साथै पातलो र हलुका पनि छ । तर, यसको टच स्क्रीन ठूलो छ । नेक्सस ५ को टचस्क्रीन ४।९६ इन्चको छ ।
एन्ड्रोइड अपरेटिङ सिस्टमको नयाँ संस्करण ‘किटक्याट’को क्षमतालाई सामना गर्न सक्ने गरी फोन तयार गरिएको हो । यसलाई महंगो स्मार्ट फोनदेखि सस्तो फिचरको फोनसम्मका लागि तयार गरिएको छ । नयाँ अपरेटिङ सिस्टमले सबै प्रकारको फोनमा राम्ररी काम गर्ने गुगलको दावी छ ।

नयाँ नेक्ससको उत्पादन एलजीले गरेको हो । गार्टनरको आंकडाअनुसार गुगलसँगको समझदारीपछि एलजीलाई निकै फाइदा भएको छ तर पनि कम्पनी आफ्नो प्रतिस्पर्धी सामसुङ र एप्पलभन्दा निकै पछि छ ।

नयाँ फोनमा एलजीको जी २ ह्याण्डसेजको हार्डवेयरको प्रयोग गरिएको छ । यसको माध्यमबाट १०८० पी रेजोलूशनको एचडी भिडियो रेकर्ड गर्न सकिन्छ भने यसलाई प्ले पनि गर्न सकिन्छ । यसको क्यामेरामा ¥यापिड बस्र्ट सिस्टमको खुबी पनि छ, जसको सहयोगमा एकै पटक धेरै तस्वीर खिच्न सकिन्छ ।

यो ह्याण्डसेटको विक्री अमेरिका, बेलायत, क्यानडा, अष्ट्रेलिया, फ्रान्स, जर्मनी, स्पेन, इटली, जापान र कोरियामा १ नोभम्बरबाट सुरु भएको छ । गुगलका अनुसार १६ जीबी क्षमताको नेक्ससको मूल्य अमेरिकामा ३४९ डलर हुनेछ भने ३२ जीबीको मूल्य ३९९ डलर ।

Posted in: मोवाईल ब्रान्ड