भारतीय बजार ताक्दै सामसङ

नयाँ दिल्ली– विश्व प्रशिद्ध मोबाइल निर्माता कम्पनी सामसङले ग्यालेक्सी नोट ३ भारतमा पनी लन्च गरेको छ। सामसङको यो नयाँ फोनको मूल्य करिब ८० हजार नेपाली छ। पछिल्लो पटक भारतमा एन्ड्रोइड फोनको बजार बढेपछि सामसङले भारतलाई आफ्नो नजरमा राख्दै आएको हो। नोट ३ सँगै उसले नयाँ उत्पादन ग्यालेक्सी गीयरको पनी भारतमा लन्च गरेको थियो।

जनसंख्याको हिसाबले र फोन प्रयोगको दृष्टिले भारत महत्वपूर्ण मानिएकाले पनि सामसङले भारतमा आफ्नो बजार बढाउन चाहिरहेको छ। भारतीय फोन निर्माता कम्पनीसँग भने उसले कडा प्रतिस्पर्धा गर्नुपर्ने निश्चित छ। कम मूल्यमा बजारमा आफ्नो दबदबा बनाएका कम्पनीहरु उसका चुनौती हुन्।
भारतीय बजारलाई विशेष किससिमबाट हेर्दै नोट ३ भारतबाट पनि लन्च गरेको बताइएको छ।
करिब १६८ ग्राम तौल रहेको नोट ३ मा १३ मेगापिक्सेलको हाइ क्वालिटी क्यामेरा लगाइएको छ। जसले गर्दा मानिसलाई क्यामेरा बोक्ने झन्झट गरिरहनु पर्दैन।
ग्यालेक्सी नोट ३ मा ३२०० एमएएचको ब्याट्री छ जुन अन्य तुलनामा लामो समय टिक्ने छ। यो फोन तीन रङमा ल्याइएको छ। ब्ल्याक, ह्वाइट र पिंक कलरमा फोन उपलब्ध छ।
सामसङले ग्यालेक्सी गियर पनि बजारमा ल्याएको छ जसको मूल्य ३२ हजारभन्दा माथि पर्ने बताइएको छ।
पछिल्लो पटक भारतमा आफ्नो बजारलाई तीब्ररुपमा अगाडि बढाइरहेको सामसङको नोट ३ र ग्यालेक्सी गियर दुबै सेप्टेम्बर २५ देखि भारतीय बजारमा उपलब्ध हुनेछन्। २५ सेप्टेम्बरमा औपचारिकरुपमा पाउने भनिए पनि बजारमा यो फोनको किनबेच सुरु भइसकेको छ। सामसङका भारत प्रमुख विनित टुटेजाका अनुसार नोट ३ को स्क्रीन साइज नबढाइ डिस्प्ले साइजमात्र बढाइएको छ। नोट ३ बजारमा ३ जीमा उपलब्ध हुनेछ, यसको ४ जी भर्सन पनी रहेको छ।
५।७ इन्चको फुल एचडी सुपर एमोसेड डिसप्ले स्क्रीन भिडियोले छुट्टै अनुभव दिनेछ। नोट ३ को एलटीइ भर्सनमा २१३ गीगाहटर्जको क्वाड प्रोसेसर छ। जबकि भारतमा महँगो ३ जी मोडलमा ११९ गीगाहटर्जको ओक्टाकोर प्रोसेसर छ।
यसमा ३ जीबीको र्या म तथा ३२ र ६४ जीबीको डिक्स स्पेस मेमोरी रहेको छ।
यता ग्लेक्सी गियरले ग्यालेक्सी सिरीजका लगभग सबै डिभाइसको साथ काम गर्न सक्नेछ। ग्यालेक्सी गियर अघिल्लो महिना आएको ट्याब्लेटको साथ पनि चल्नेछ।
नोट ३ मा ुफाइन्ड माइ मोबाइलु फिचरको अपडेट भर्सन यसमा उपलब्ध छ। यो फिचरको माध्यमबाट फोन हराएको अवस्थामा र चोरी भएको अवस्थामा फोनलाई निस्क्रीय बनाउन सकिन्छ जसले गर्दा फोनको लगत प्रयोग हुन नपाओस्।

Posted in: मोवाईल ब्रान्ड