इन्टरनेट प्याकेजमा छुटको बहार

कम्प्युटर एसोसिएसन अफ नेपाल ९क्यान० को आयोजनामा राजधानीमा जारी सुबिसु क्यान इन्फोटेक घरमा इन्टरनेट जोड्न चाहनेहरूका लागि उपयुक्त गन्तव्य हुन सक्छ ।

मेलामा विभिन्न इन्टरनेट सेवा प्रदायक कम्पनीहरूले छुट र अफर ल्याएका छन् । तिनीहरूले घरायसी प्रयोजनका लागि सस्तोमा इन्टरनेट कनेक्सन उपलब्ध गराएको दाबी गरेका छन् । मेलामा टाइटल स्पोन्सर सुविसु, नेपाल टेलिकम, वेबसर्फर र भायोनेटले इन्टरनेट प्याकेज बेचिरहेका छन् ।

 सुबिसु केवलनेटले रिटेल ग्राहकलई लक्षित गर्दै केबल इन्टरनेटका नयाँ योजना इन्फोटेकमा  सार्वजनिक गरेको छ । हालसम्म ठूला व्यापारिक प्रतिष्ठानमा मात्र सीमित फाइबर इन्टरनेट सेवालाई घरेलु प्रयोजनका लागि सर्वसाधारणको पहुँचमा पुर्‍याउने गरी योजना ल्याएको सुबिसुका प्रमुख सुधीर पराजुलीले बताए । त्यस्तै पछिल्लो प्रविधिमा आधारित फाइबर इन्टरनेट सेवासमेत मेलामा राखेको छ ।

सुबिसुले केबल मोडेमसहित तीन महिनाको इन्टरनेट र टीभीसमेत हेर्न मिल्ने केबल कनेक्सन मेलामा ४ हजार ९ सय ९९ रुपैयाँमा उपलब्ध गराएको छ । अरू बेला यसको शुल्क ७ हजार ९ सय ७ रुपैयाँ पर्ने कम्पनीले जनाएको छ । कम्पनीले ुडबल योर इन्टरनेटु अफरसमेत ल्याएको छ । कम्पनीले एक वर्षको शुल्क एकै पटक तिर्दा जति गतिको इन्टरनेट लियो त्यतिकै गति थपिदिने जनाएको छ ।

 नेपाल टेलिकमले इभिडियो थ्रिजी  ब्रोडब्यान्ड इन्टरनेट २ हजार २ सय रुपैयाँमा मेलामा उपलब्ध गराइरहेको छ । स्काई प्रो नामको वायरलेसमा रिम र डंगोल कम्पनीले उपलब्ध गराउँछ । यसमा ३ महिनासम्म चलाउन मिल्ने ३ जीबी डाटा, १ सय रुपैयाँ टकटाइम भएको रिम, २ जीबी मेमोरी भएको ईभीडीओ डंगोल उपलब्ध हुनेछ । स्काई प्रोबाट इन्टरनेट चलाउनुका साथै कल र एसएमएस पनि गर्न सकिन्छ । कम्पनीले नेपालमा यो निकै सस्तो वायरलेस इन्टरनेट भएको कम्पनीको दाबी छ ।

टेलिकमले वाइम्याक्स इन्टरनेटमा वाइम्याक्स इन्टरनेटको तीन महिनाको शुल्क एकैपटक तिर्दा ५० प्रतिशत छुट योजना ल्याएको छ । कम्पनीले १ हजार ५ सयमा अनलिमिटेड इन्टरनेट उपलब्ध गराउने जनाएको छ । यस प्याकेजको मूल्य ९ हजार ५ सय ५४ रुपैयाँ पर्नेछ । यसअघि यसको मूल्य १९ हजार १ सय ८ रुपैयाँ थियो । कम्पनीले इन्डोर सीपीई डिभाइसको खरिदमा २ हजार रुपैयाँको रिचार्ज कार्ड उपहारका रूपमा दिइने जनाएको छ । यसैगरी डाटा स्पिड २ सय ५६ केबीपीएस भएको अनलिमिटेड प्याकेज १ हजार ५ सय रुपैयाँ प्रतिमहिनामा उपलब्ध गराउनेछ । कम्पनीले वाइम्याक्स डिभाइसमा समेत सीमित अवधिका लागि छुट दिएको छ ।

मेलामा वेवसर्फरले ४ सय ९५ रुपैयाँ प्रतिमहिनाको इन्टरनेट योजना मेलामा ल्याएको छ । ुघरघरमा इन्टरनेटु नाममा ल्याइएको योजनामा ल्यापटप ब्याग, ८ जीबीको पेनड्राइभ उपहारका साथ १ वर्षको अग्रिम भुक्तानी गर्दा जडान खर्च निःशुल्क र इन्टरनेट शुल्कमा १० प्रतिशत छुट योजना ल्याइएको कम्पनीका वायरलेस डीएसएल सेल्स मेनेजेर सन्दीप शर्माले बताए । अरू बेला कम्पनीले जडान खर्च ३ हजार रुपैयाँ लिँदै आएको छ । कम्पनीले १ एमबीपीएस गतिको इन्टरनेट उपलब्ध गराउनेछ ।   

वेवसर्फरले कर्पोरेट ग्राहकलाई डेडिकेटेड वायरलेस र फाइबर इन्टरनेट जडान खर्चमा ५० प्रतिशत छुट योजना ल्याएको कम्पनीका बिजनेस डेभलपमेन्ट मेनेजर सुदीपकुमार ओलीले जानकारी दिए । कम्पनीले प्रतिएमबी इन्टरनेटमा ३ हजार ५ सय रुपैयाँ छुट दिएको छ । मेलामा इन्टरनेट लिनेले प्रतिएमबी १० हजार रुपैयाँ मात्र तिरे पुग्छ ।

मेलामा इन्टरनेट सेवा प्रदायकहरूले ल्याएको छुटले गर्दा इन्टरनेट जोड्न चाहने ग्राहकहरूको ती कम्पनीका स्टलमा निकै भीड लागेको छ ।

Read more »

एप्पललाई चीनबाट बढी आम्दानी?

स्मार्टफोन निर्माता एप्पलले चीनको सबैभन्दा ठूलो मोबाइल कम्पनीसँग सम्झौता गरेको छ। ७६ करोडभन्दा बढी ग्राहक रहेको चाइना मोबाइलसँग एप्पलको सम्झौताले विश्व टेलिकम क्षेत्रमा तरंग ल्याइदिएको हो। तीन नेटवर्कमा फोर जी लाइसेन्स भएको सरकारी स्वामित्वको चाइना मोबाइलसँगको सम्झौताले एप्पलले प्रतिद्वन्द्वीलाई कडा टक्कर दिन सक्ने देखिएको छ।
चीन विश्वकै सबैभन्दा ठूलो स्मार्टफोन बजार हो । एप्पलले अढाई वर्ष अघिदेखि नै चीन केन्द्रित बजार रणनीति अपनाउँदै आएको छ । ुएप्पलका लागि चीन निकै महत्वपूर्ण बजार होु, एप्पलका प्रमुख कार्यकारी टिम कुकले भनेका छन्– ुचाइना मोबाइलसँग भएको सम्झौताले हामीलाई विश्वकै सबैभन्दा ठूलो नेटवर्कका उपभोक्ता समक्ष आइफोन पुर्‌याउने मौका मिल्नेछ ।ु

सन् २०१३ को सुरुवाततिर कुकले उत्तर अमेरिकाबाट भन्दा चीनबाट कम्पनीले बढी नाफा गर्ने बताएका थिए । आइफोन एप्पलका लागि आम्दानी बढाउने मुख्य उत्पादन हो । वर्षको अन्त्यसम्ममा आएका रिपोर्टअनुसार एप्पलले १७० बिलियन डलर रेभिन्यु उठाइसकेको छ । चीनका अन्य दुई ठूला कम्पनी चाइना युनिकम र चाइना टेलिकमसँग एप्पलले पहिले नै सम्झौता गरिसकेको छ । यी दुई कम्पनीको नेटवर्कमा ४ करोड ५५ लाख उपभोक्ता आवद्ध छन् । लगभग सवा अर्ब उपभोक्ता रहेको चीन सबैभन्दा बढी स्मार्टफाने उपभोक्ता भएको मुलुक हो । सामसङ एवं चीनका घरेलु सस्ता हेन्डसेटका कारण चीनमा आइफोनले बजार गुमाउँदै गएको भन्ने रिपोर्टहरु आइरहेका बेला अमेरिकी कम्पनीले यो ठूलो सम्झौता गरेको हो ।

बजार अनुसन्धान संस्था आइडीसी कन्सल्ट्यान्सीका अनुसार आइफोनको उपस्थिति चीनमा बलियो छैन । गुगलको इन्ड्रोयड अपरेटिङ सिस्टम भएका सस्ता हेन्डसेटले ठूलो बजार हिस्सा ओगटेका छन् । सामसङ, लेनोभो र कुलप्याड क्रमशः पहिलो, दोस्रो र तेस्रो स्थानमा छन् । चिनियाँ टेलिकम इक्विपमेन्ट उत्पादक कुलप्याडका उत्पादनले बजार हिस्सा बढाइरहेको बेला आइफोनले चाइना मोबाइलको नेटवर्कबाट बिक्री गर्ने तयारी थालेको हो ।

प्रतिद्वन्द्वीलाई टक्कर दिन एप्पलले यसै वर्ष आइफोन सी बजारमा ल्याएको थियो । आइफोन सीले सामसङलाई खासै टक्कर दिन भने सकेनँ । अहिले आइफोन ५ सीलाई चाइना मोबाइलको नेटवर्कबाट बिक्री गरेर प्रतिद्वन्द्वीको सामना गर्ने रणनीति एप्पलले लिएको हुनसक्ने अनुमान गरिएको छ । जनवरी १७ देखि चाइना मोबाइलको नेटवर्कबाट आइफोन ५ एस र ५ सीको बिक्री सुरु हुनेछ । तर मूल्य कति तोकिनेछ भन्ने पनि स्पष्ट पारिएको छैन ।

यो वर्षको सेप्टेम्बरसम्म एप्पलले लगभग सवा १० करोड आइफोन बिक्री गरिसकेको छ । सम्झौतापछि १०–४० मिलियनसम्म आइफोन चीनमा बिक्री हुने अनुमान गरिएको छ । पछिल्ला अढाइ वर्षमा एप्पलले चीनमा ५० मिलियन आइफोन बिक्री गरेको छ ।

समसङले विश्व बजारबाट आइफोनका हिस्सा खास्दै लगेको अवस्थामा नयाँ सम्झौताले अमेरिकी कम्पनीलाई केही हदसम्म माथि उठाउने विश्वास गरिएका छ । अहिलेसम्म चाइना मोबाइलका प्रयोगकर्ताले आइफोन चलाउन पाउने अवस्था थिएन । चाइना मोबाइलको थ्रीजी टेक्नोलोजीले आइफोनका ुकम्पाटेबलु थिएन । फोर जी नेटवर्ककका प्रयोगकर्ता मात्र आइफोन ५ एस र ५ सी मा आवद्ध हुन सक्छन् ।

विश्लेषकहरुले अब आइफोन विश्वका फोन प्रयोगकर्तामध्ये १० प्रतिशतभन्दा बढी उपभोक्त समक्ष पुग्नेछ । तर त्यसका लागि सस्तो स्मार्टफोन उत्पादन गर्नु एप्पलको चुनौती हुनेछ ।

Read more »

डन्डिफोर उपचार गर्न मोबाइल एप

अनुहारमा डन्डिफोर र दाग सबैका लागि समस्या हो। त्यसबाट सबै टाढै रहन चाहन्छन् र सबै त्यही डन्डिफोरबाटै पीडित भइरहेका हुन्छन्। अझ झन् टिनएजतिर त बिहान उठेर ऐनमा हेर्दा नाकको टुप्पोमा वा गालामा एउटा डन्डिफोर देखियो भने संसार त्यहीँ सकिएजस्तो लाग्छ।
विज्ञान प्रविधिमा आएको छलाङसँगै अब डन्डिफोर निको पार्न औषधि खाने भन्दा मोबाइल फोनको प्रयोग गर्नुपर्ने स्थिति बन्दैछ। अचम्म लाग्ला तर यो वास्तवकि हो डन्डिफोर बारे भविष्यवाणी गर्ने एप विकास भइसकेको छ।

डन्डिफोरसम्बन्धी यस्तो भविष्यबाणीका लागि एउटा डिभाइस र स्मार्टफोन एपले संयुक्त रुपमा काम गर्छन्। छालासम्मन्धी सुझाव दिने संस्था माई स्किन ले विकास गरेको उपकरण स्क्यान जेड त्यस्तो डिभाइस हो जसले अब डन्डिफोरको भविष्यका बारेमा जानकारी दिन्छ। यो डिभाइसले प्रकाशको साहायताले मानिसको अनुहारको अवस्थाको अध्ययन गर्छ। तर डन्डिफोरको भविष्यबाणी गर्ने काम भने मोबाइल स्क्यान जेडको नभई एउटा स्मार्टफोन एपले गर्छ। विज्ञहरुका अनुसार यो यस्तो एउटा एप हो जसमा स्क्यान जेडमार्फत प्राप्त डाटालाई राखिन्छ। यो डाटाको आधारमा यो एपले अनुहारमा डन्डिफोर आउँछ वा आउँदैन, कहिले आउँछ र कति समय रहन्छ भन्ने भविष्यबाणी गर्छ।

यो एपले दिएको जानकारीका आधारमा छालासम्बन्धी विज्ञहरुले छालाको लागि कस्तो क्रिम प्रयोग गर्ने, डन्डिफोर आउने सम्भावना देखिएमा कसरी रोक्नेदेखि आइसकेको डन्डिफोर कति समय रहने हो र त्यसको उपचार कसरी गर्ने हो भन्ने सम्बन्धमा समेत निर्णय गर्न र सुझाव दिन सक्छन्।

Read more »

गुगलले सुरु गर्‍यो नेपाली भाषा अनुवाद

गुगलले नेपाली भाषाको अनुवाद सुविधा पनि सुरु गरेको छ । तर उसले सुरु गरेको नेपाली अनुवादमा भने धेरै गल्ती देखिएको छ ।

पछिल्लो पटक गुगलले नेपालीसहित ९ वटा भाषा अनुवादको सुविधा थपेको हो । यो सँगै गुगलले अनुवाद गर्ने भाषाको संख्या ८० पुगेको छ ।

थप सुविधा अनुसार ट्रान्सलेट डट गुगल डट कममा गएर नेपाली भाषालाई विभिन्न ७९ वटा भाषामा अनुवाद गर्न सकिन्छ भने अरु ७९ वटा भाषालाई पनि नेपालीमा अनुवाद गर्न सकिन्छ । गुगलमा अनुवाद गर्न मिल्ने भाषा, नेपाली, अंग्रेजी, हिन्दी, उर्दु, चिनियाँ, बंगाली, स्पेनिस, पोर्चुगिजलगायतका छन् ।

Read more »

पैसा दिने मोबाइल एप

मोबाइलमा सित्तैमा डाउनलोड गर्न पाइने एपहरुले विज्ञापन देखाएर हैरान पारेकाहरु मध्ये एक तपाइँ पनि हुनुहोला। पत्रिका, टेलिभिजन, रेडियो मात्र होइन वेबसाइटहरुमा पनि विज्ञापन हेर्न कसैलाई मन पर्दैन। त्यसैले त वेबसाइट तथा मोबाइल एपका विज्ञापन हटाउनका लागि नै विभिन्न एपहरु विकास भएका छन्।

तर, विज्ञापन हेरेको पैसा दिन्छु भन्यो भने तपाइँ यस्ता विज्ञापन हटाउने चक्करमा होइन कि विज्ञापन हेर्ने तर्फलाग्नुहुन्छ। आखिर जे भएपनि पैसा बोल्छ भनिएको त्यसै होइन। एण्ड्रोइड तथा आइओएस अपरेटिङ सिस्टम भएका मोबाइल चलाउनेका लागि यस्ता विभिन्न खालका उपायहरु व्यवसायीहरुले प्रस्तुत गरेका छन् जसमा विज्ञापन हेर्नेहरुलाई केही रकम दिने भनिएको छ। यस्ता खालका एप यूरोप अमेरिकामा मात्र होइन नेपालमा पनि प्रसस्त चर्चा बटुल्न सफल भएका छन्। चर्चाको तुलनामा त्यस्ता एपबाट पैसा बटुलेकाहरुको कुराहरु भने सुन्न पाइएको छैन।
यी यस्ता एप हुन् जुन निशुल्क डाउनलोडका लागि उपलब्ध छन् र तीनले निश्चित निशुल्क कामहरु गरेपछि केही रकम मोबाइल चलाउनेलाई दिने बताएका छन्। यस्ता पैसा दिने भनिएका धेरै एप मध्ये कसैले ६ देखी १० सेकेण्डको विज्ञापन देखाउँछन् भने कसैले कुनै वेबसाइट वा पेज लाइक पनि गर्न लगाउँछन।
मोबाइलमा डाउनलोड गर्नेहरुलाई पैसा दिने बताएका केही एप यी हुन्
क्यासअनएड

नेपालमा प्रसस्त चर्चा पाएको एप हो यो। मोबाइलका लागि विकास भएका एपहरु मध्ये नेपालमा सर्वाधिक चर्चा पाएको पनि भन्न सकिन्छ यसलाई। विशेष गरेर यसको निर्माता शिरान टेक्नोलोजिजसँग काम लिएका सबै ठूला भनिएका दैनिक देखी अनलाइन न्यूजपोर्टल सबैले यसको खुबै प्रचार गरेका थिए। यसले फोन उठाउनु अघि ६ सेकेण्डको विज्ञापन देखाउँछ जुन पुरै हेर्नेलाई प्रत्येक कल उठाउँदा १ सेन्ट दिने बताएको छ। नेपालमा यसबाट जम्मा भएको पैसा इसेवा नामक अनलाइन पेमेन्ट कम्पनीबाट लिन सकिने जनाएको छ। यो एप चलाउनेले २४ घण्टामा एकपटक एपलाई सिंक गर्नुपर्छ। यो एप प्रयोग गर्नका लागि फेसबुक वा इमेल प्रयोग गरेर दर्ता हुनुपर्छ। यो एपकाबारे थप बुझ्न तथा मोबाइलमा राख्नका लागि यहाँ क्लिक गर्नुहोस्।
लोकेट

तत्काल अमेरिकाका लागि मात्र उपलब्ध यो एप बेटा संस्करणमा रहेको छ। भरखरै एपस्टोरमा उपलब्ध भएको यो एपले पनि विज्ञापन हेर्नेलाई पैसा दिने बताउँछ। यसले विज्ञापन, कुपनहरु, सित्तैमा गीत र खेलहरु मोबाइलमा उपलब्ध गराउँछ। अर्नमोर मार्फ धेरै पैसा कमाउने मौका समेत दिने यो एप राखेपछि स्क्रिनमा हरेक पटक स्वाइप गर्दा १ सेन्ट दिने यसले बताएको छ। यो एपले मोबाइलको लक स्क्रिनमा विज्ञापन देखाउँछ त्यसको तल रहेको एउटा विशेष प्वाइन्ट (फोटोमा निलो देखिने)लाई दायाँ वा बायाँ स्वाइप गरेपछि १ सेन्ट उपलब्ध हुने हो। यो एपबाट एक घण्टामा ३ सेन्ट कमाउन सकिन्छ। यो एपकाबारे थप बुझ्न तथा मोबाइलमा राख्नका लागि यहाँ क्लिक गर्नुहोस्।
लेटस्क्रिन

अनलक एण्ड अर्न अर्थात मोबाइल अनलक गर र कमाउ। एशियामा मात्र १० लाख भन्दा धेरैले चलाउने दाबी गरिएको यो एप एपडिस्कोले तयार पारेको हो। यो एपले पनि लक स्क्रिनमा विज्ञापन देखाउँछ र स्क्रिन अनलक गरेपछि विज्ञापन हेरे बापत केही रकम दिन्छ। यो एपमा विज्ञापन हेरेर पैसा पाउनका लागि एप डाउनलोड गरेर त्यसमा आफूलाई दर्ता गर्नुपर्छ। यो एपकाबारे थप बुझ्न तथा मोबाइलमा राख्नका लागि यहाँ क्लिक गर्नुहोस्।

Read more »