एसएमएस मार्फत इभिडियो डाटा प्याकेज प्राप्त हुने

नेपाल टेलिकमले आइपी सीडीएमए प्रविधिको इभिडियो सेवामा नयाँ भोल्यूम बेष्ड डाटा प्याकेज ल्याएको छ । भदौ १६ गतेदेखि लागु हुने उक्त डाटा प्याकेज एसएमएस मार्फत सहज रुपमा प्राप्त गर्न सकिने छ ।

सीडीएमएका ग्राहकहरुले आवश्यक रकम रिचार्ज गरेर आफुलाई चाहिलने डाटा प्याकेज १४५६ मा एसएमएस पठाएर खरिद गर्न सक्ने टेलिकमले जनाएको छ । टेलिकमले ५०० एमबी, २ जीबी, ५ जीबी र १० जीवी गरि ४ प्रकारका डाटा प्याकेज ल्याएको छ ।

यस्तो छ डाटा प्याकेज

सीडीएमए सेवाका ग्राहकहरुले इभिडियो सेवामा आफुले प्रयोग गर्न बाँकी रहेको डाटा भोल्यूम तथा भेलिडिटी पिरियड ‘बीएल’ टाइप गरि १४५६ मा एसएमएस पठाएर थाहा पाउन सक्ने टेलिकमले जनाएको छ । त्यस्तै, ग्राहकहरुले ‘हेल्प’ टाइप गरी १४५६ मा एसएमएस पठाएमा सिष्टमबाट नै एसएमएस गर्ने तरिकासहितको म्यासेज समेत प्राप्त गर्न सक्नेछन् । टेलिकमका अनुसार यो एसएमएस सेवा निःशुल्क प्रयोज गर्न सकिने छ ।

टेलिकमले हाल इभिडियो डाटा नचल्ने पुराना रिम कार्डहरुलाई इभिडियो चल्ने रिममा निःशुल्क परिवर्तन गर्ने व्यवस्था गरेको बताएको छ । त्यस्तै, ग्राहकहरुले इभिडियो सेवाको रिम कार्ड प्रयोग गरी भ्वाइस सेवाका साथै सीडीएमए स्मार्ट मोबाइल, ल्यापटप, डेक्सटप, ट्याबलेट तथा इभिडियो डंगोलमार्फत ३.१ एमबीपीएस क्षमतामा इन्टरनेट चलाउन सक्ने बताइएको छ ।

अहिले टेलिकमले इभिडियो सेवालाई बण्डलिङ गरेर बिक्री वितरण गरिरहेको छ । बण्डलिङ मार्फत उपलब्ध हुने यो सेवा ग्राहकहरुले २ हजार २ सय रुपैयाँ भुक्तानी गरेर खरिद गर्न सक्नेछन् । यो सेवा लिने ग्राहकले १ जीबी मेमोरी सहितको इभिडियो डंगोल, एक सय रुपैयाँको टक भेलु तथा मासिक १ जीबी डाटाको दरले ३ महीनासम्मको लागि ३ जीबी डाटा भएको रिम कार्ड प्राप्त गर्नेछन् ।

टेलिकमले हाल १२ अञ्चलका ४८ जिल्लाका सदरमुकाम तथा प्रमुख ब्यापारिक केन्द्रहरुमा इभिडियो सेवा सञ्चालनमा ल्याइसकेको छ । कम्पनीलेे इभिडियो सेवालाई ‘स्काइ प्रो’ को ब्राण्डमा बिक्री वितरण गरिरहेको जनाएको छ ।

Read more »

पाँच सय एमबीको दुई सय

काठमाडौं( नेपाल टेलिकमले सिडिएमए प्रविधिअन्तर्गतको इभिडियो सेवाको शूल्क घटाएको छ। बिहीबार प्रेस विज्ञप्ती जारी गर्दै टेलिकमले ५ सय एमबी डाटा खरिदमा २ सय रुपैयाँ मूल्य तोकेको छ। त्यस्तै २ जिबी डाटा किन्दा ७ सय ५०, ५ जिबी डाटाको १७ सय र १० जिबी डाटाको २४ सय मूल्य तोकेको छ। यी चारवटै प्याकेजको म्याद एक महिनाका लागि हुने टेलिकमले जनाएको छ। यी मूल्यहरुमा कर भने जोडिएको छैन।
   
पहिलो ५ सय एमबी किन्दा प्रति एमबी ४० पैसा, २ जिबी खरिदमा प्रति एमबी ३७ पैसा, ५ जिबी खरिदमा प्रति एमबी ३३ पैसा र १० जिबी खरिदमा प्रति एमबी २३ पैसा शूल्क लाग्नेसमेत विज्ञप्तीमा उल्लेख छ।
पहिल्यैदेखि एक्टिभेट गरेका ग्रहकहरुले भने आवश्यक रकम रिचार्ज गरी १४५६ मा एसएमएस पठाएर डाटा खरिद गर्न सक्नेछन्। यसैगरी सिडिएमए सेवाका ग्रहकहरुले इभिडियो सेवामा आफूले प्रयोग गर्न बाँकी रहेको डाटा भोयलुम तथा म्यादको बारेमा जानकारी लिन ुबिएलु टाइप गरी १४५६ मा पठाउन सक्नेछन्। यस्तो एसएमएसको कुनै शूल्क नलाग्ने समेत विज्ञप्तीमा उल्लेछ छ।
नेपाल टेलिकमले हालः इभिडियो डाटा नचल्ने पुरनाना रुइम कार्डको सेवा प्रयोग गरी भ्वाइस सेवाको साथै सिडिएमए को स्मार्ट मोबाइल, ल्यापटप, डेक्सटप, ट्याबलेट तथा यभिडियो डोङ्गलमा मार्फत् ३।१ एमबिपिएस क्षमतामा इन्टरनेट चलाउन सकिनेछ।
ग्रहकले एक जिबी मेमोरीसहितको इभिडियो डोङ्गल, एक सय रुपैयाँको टल्क भ्यालु तथा मासिक एक जिबी डाटा को दरले ३ महिनासम्मको लागि ३ जिबी डाटा भएको रुइम कार्ड करबाहेक २२ सयमा खरिद गर्न सकिने विज्ञप्तीमा उल्लेख छ।
यो सेवाका लागि टेलिकमले १२ अञ्चलका ४८ जिल्लाबाट सेवा वितरण गरिरहेको छ।

Read more »

गूगलले नेक्सस 4 को मूल्य १०० डलर कम गर्यो

गूगलले नेक्सस 4 स्मार्टफोन को मूल्य निकै कम गरेको छ । अब 8 जीबी भएको फोन 199 डलरमा किन्न सकिनेछ । यस अघि यस फोनको मूल्य कीमत 299 डलर तोकिएको थियो । त्यसैगरि 16 जीबी भएको फोन 249 डलर मा प्राप्त हुनेछ । यस अघि यस फोनको मूल्य 349 डलर रहेको थियो । 

गूगल प्ले ले ट्विटर मार्फत यस कुराको जानकारी दिएको हो । जस अनुसार यो मूल्य भने यूएस, यूके, अस्ट्रेलिया, क्यानाडा, जर्मनी, स्पेन र कोरियामा लागु हुने बताइएको छ ।
नेक्सस 4 को मूल्यमा कमी आएपछि नेक्ससको नयाँ भर्सन छिटै आउने अनुमान गरिएको छ ।
नेक्सस 4 लाइ LG कम्पनीले निर्माण गर्ने गरेको छ ।

Read more »

100$ मा आईफोन 5 सी पाइने !

भाद्र १३, एक चाइनीज कन्पनी गूफोन ले मात्र 100$ मा एप्पलको आईफोन 5सी को क्लोन ‘आई 5सी’ सार्वजनिक गर्ने तयारी गरिरहेको छ । गूफोन ले यस फोनलाइ आगामी महिना लञ्च गर्न लागेको टेक मिडियाहरूको समाचारमा जनाइएको छ । गूफोन ले यस अघि पनि एप्पलका कयौं फोनका क्लोन्स हरू लञ्च गरिसकेको छ । 

अहिले सम्म सस्तो आईफोन आउने कुनै आधिकारिक घोषणा भैसकेको छैन तर गूफोन ले यसको क्लोन बनाएर बाजी मारेको छ । यस अघि पनि गत मार्चमा गूफोनले गूफोन आई 5एस रिलीज जारी गरेको थियो जुन एप्पलको अनरिलीज्ड आईफोन 5एस को क्लोन थियो ।
बताइए अनुसार यस फोनको डिस्प्ले 4 इन्च (960×540 p) को हुनेछ । यो 1.2 गीगाहर्त्ज एमटीके 6572 प्रोसेसर मा चल्दछ । यस बाहेक यस फोनमा 1 जीबी र्याम, 8 मेगा पिक्सेलको रियर क्यामरा, 2 मेगा पिक्सेलको फ्रन्ट क्यामरा, 2000 mAh ब्याट्री, 4 जीबी स्टोरेज, 4.0 ब्लूटूथ, वाई-फाई, क्वाड ब्याण्ड जीएसएम, 3 जी कनेक्टिभिटी र 4.2 एन्ड्रोइड हुने बताइएको छ ।
यस आईफोन 5 सी को अफिसिशल लञ्च पछि तुरून्तै यसलाइ बजारमा बिक्रिका लागी ल्याइने कुरा कम्पनीले जनाएको छ ।

Read more »

फेसबुकेहरुलाई खुशीको खबर, अनलाइन एल्बम शेयर गर्न सकिने

एकै सरोकारका तस्वीर अनलाईन मार्फत एकैचोटी शेयर गर्न र तस्वीरहरुलाई विशिष्टीकरण गर्न सहज होस् भनेर फेसबुकले अनलाइन फोटो एल्बम शेयर सुविधा थपेको छ । १० हजार वटासम्म तस्वीर आट्ने गरी साझा एल्बम बनाएर तस्वीर शेयर गर्ने सुविधा फेसबुकले थपेको हो ।
फेसबुकका अनुसार यो सेवाको उपभोग गर्दै फेसबुक प्रयोगकर्ताहरुले समूह तयार गरी साझा एल्बम तयार पार्न र त्यसमा विभिन्न महत्वपूर्ण क्षणमा एक अर्काले खिचेका एकै सन्दर्भका तस्वीरलाई एकठाउँमा संग्रह गरी साथीहरुबीच शेयर गर्न सकिनेछ । फेसबुकमा यसअघि निजि फोटो एल्बममा केवल १ हजार वटासम्म मात्र तस्वीर अपलोड गर्न सकिन्थ्यो ।

फेसबुकका दिनहुँ करोडौँ तस्वीर अपलोड हुने गरेको सन्दर्भमा फेसबुके साथीहरुबीच तस्वीर शेयर गर्न अझै सजिलो होस् भन्ने उद्देश्यले शेयर्ड फोटो एल्बमको सेवा सुरु गरेको फेसबुकको भनाइ छ ।

यो फोटो एल्बम शेयर गरिसकेपछि त्यसरी शेयर गरिएकाहरु हरेकले त्यसमा तस्वीर थप्न, संसोधन गर्न, ट्याग गर्न सक्नेछन् । यद्यपि अहिलेको लागि यो सेवा केवल अमेरिकामा मात्र सुरु गरिएको छ । एक तथ्यांक अनुसार विश्वमा धेरै नवजात शिशुको जन्मेको एक घण्टाभित्रैमा फेसबुकमा तस्वीर अपलोड हुने गरेको छ ।

Read more »