सामसुङ ग्यालेक्सी ‘नोट थ्री’ नेपाली बजारमा

काठमाडौं । बहुप्रतिक्षित स्मार्टफोन सामसुङ ग्यालेक्सी ‘नोट थ्री’ नेपाली बजारमा भित्रिएको छ । सामसुङको पछिल्लो एन्ड्रोइड स्मार्टफोन ‘नोट थ्री’को नेपालमा ९१ हजार ५ सय रुपैयाँ पर्नेछ । सामसुङ मोबाइलको नेपालका लागि आधिकारिक बिक्रेता इन्टरनेशनल मार्केटिङ सभिर्सेज ९आइएमएस० प्रालिले ‘नोट थ्री’ स्थानिय बजारमा बिक्री शुरु गरेको छ ।

यस्तो छ नोट थ्री

नोट थ्री ५।७ इञ्च ठूलो स्क्रिन भएको स्मार्टफोन हो । यसमा ब्याक साइडमा १३ मेगा पिक्सेल र फ्रन्ट साइडमा २ मेगा पिक्सेल क्यामेरा जडान गरिएको छ । क्यामेरामा अटो फोकस, टच टु फोकस, फेस डिटेक्सन, स्माइल डिटेक्सन, आइएसओ कन्ट्रोल, हृवाइट व्यालेन्स प्रिसेट्स, ब्रुष्ट मोड, डिजिटल जुम, हाई डाइनामिक रेञ्ज मोड, पानोरामा, सेल्फ टाइमर, इफेक्ट्सलगायतका सुविधाहरु रहेका छन् ।



स्मार्टफोनमा ओएस ४।३ एन्ड्रोइड जेलिबिन अपरेटिङ सिष्टम, २३०० एमएचजेड क्वार्डकोर प्रोसेसर, ३०७२ एमबी र्‍याम रहेको बताइएको छ । त्यस्तै, यसमा ३२ एमएएच क्षमताको ब्याट्रि प्रयोग गरिएका कारण २५ घण्टासम्म लगातार कुरा गर्न सकिने कम्पनीले दाबि गरेको छ । ३२ जीबी इन्टरनल मेमोरी रहेको यस स्मार्टफोनमा आवश्यकता अनुसार ६४ जीबीसम्म विस्तार गर्न सकिन्छ । वाइफाई ब्लुटुथ, माइक्रो एसडी कार्ड, मल्टी टच स्क्रिन, लाइट सेन्सर डिस्प्ले रहेको बताइएको छ ।

नोट थ्री १६८ ग्रामको भएका कारण हलुका र पातलो रहेको छ । कम्पनीले दिएको जानकारीअनुसार नोट थ्री नेपाली बजारमा विभिन्न ३ रङमा उपलब्ध छ । यसभन्दा अगाडी बजारमा आएको नोट टुले पनि नेपाली बजारमा राम्रो उपस्थिती देखाउन सफल भएको थियो । नोट टुलाई जस्तै नोट थ्रीलाई पनि नेपालीहरुले मन पराउने कम्पनीले विश्वास लिएको छ ।

नोट थ्रीसँगै गियर घडी

कम्पनीले सेटसँगै प्रयोग गर्न मिल्ने गियर घडी पनि सार्वजनिक गरेको छ । ग्यालेक्सी नोट थ्री र गियर नामाकरण गरेर नोट थ्री र घडी नेपाली बजारमा भित्राइएको छ । नोट थ्री प्रयोग गर्ने ग्राहकले उक्त घडीमा फोन उठाउन, म्यासेज र भिडियो हेर्न सक्छन् । ४६ हजार रुपैयाँ तोकिएको घडी छुट्टै किन्न पनि सकिने कम्पनीले बताएको छ । दुबै एकसाथ किन्दा १ लाख ३३ हजार तिर्नुपर्ने हुन्छ ।

कम्पनीका अनुसार नोट थ्री खरिद गर्ने पहिलो पाँच जनाले यो घडी सित्तैमा प्राप्त गर्नेछन् । फोनको ब्लुटुथ रेञ्जभित्र रहेर काम गर्ने घडीबाट फोनमाजस्तै आवाज पहिचान हुनुका साथै अपरिचित व्यक्तिहरुबाट आएको फोनको आवाजसमेत पहिचान गर्न सकिन्छ । कम्पनीका अनुसार यसलाई फोनको दोस्रो स्त्रिmन समेत मानिन्छ ।

घडीका फिचरहरु

यस घडीमा १।२ मेगापिक्सेल क्यामेरा रहेको हुँदा तस्बिर खिच्न सकिन्छ । कम्पनीका अनुसार घडीबाट खिचेको तस्बिरलाई म्यासेजबाट पठाउन सकिन्छ । साथै, घडीले फोनमा आएका नोटिफिकेसन र इमेलहरुबारे चाँडो जानकारी गराउँछ ।

Posted in: मोवाईल ब्रान्ड