4:33 AM
कोरिया टाइम्समा छापिएको खबर अनुसार सामसुङ कम्पनीका सह कार्यकारी प्रमुख तथा मोबाइल डिपार्टमेन्ट प्रमुख जेके सिनले आफ्ना आगामी स्मार्टफोन ६४ बिट प्रोसेसरयुक्त हुने जानकारी दिएका छन् । उनका अनुसार ६४ बिटको प्रोसेसरवाला स्मार्टफोन आउन केही समय लाग्नेछ ।
उनको भनाइलाई आधार मान्ने हो भने अब सामसुङको ग्यालेक्सी एस ५ मा ६४ बिटको प्रोसेसर हुनेछ । ग्यालेक्सी नोट ३ सार्वजनिक भैसकेको अवस्थामा अब बजारमा आउने नयाँ उत्पादन भनेकै ५ एस हो जुन तत्कालै भने आउनेछैन ।
एप्पलले आफ्नो आइफोनको बजारका लागि चीन र जापानमा ध्यान केन्द्रित गरिरहेको बेला सामसुङले पनि अब चिनिया तथा जापानी बजारमा केन्द्रित हुने सोँच बनाएको सिनको भनाइ छ ।अहिले ३२ बिटको प्रोसेसर भएका स्मार्टफोन रहेकोमा यसको क्षमतालाई दोब्बर पार्दा स्मार्टफोनको गति दोब्बर तिब्र हुनेछ । उच्च क्षमतायुक्त माइक्रोप्रोसेसरको प्रयोगबाट स्मार्टफोनमा त्यो सँगै मेमोरी पावर पनि बढाइनेछ । ३२ बिटको प्रोसेसर भएको डिभाइसमा ४ जिबी सम्मको र्याम हुनेमा ६४ बिटको प्रोसेसर भएको खण्डमा १६ जिबी सम्मको र्याम राख्न सकिनेछ ।
यसअघि
एप्पलले आइफोन सार्वजनिक गरेपछि सामसुङले पनि त्यस्तै फिचर भएको
स्मार्टफोन सार्वजनिक गरेको थियो । एप्पलले आफ्नो प्याटेन्ट राइट चोरी
गरेको भन्दै सामसुङमाथि मुद्दा हालेर क्षतिपुर्ति तिराएको थियो ।
