भदौ १९ बाट क्यान सफ्टेक

काठमाडौं ( कम्प्युटर एसोसिएसन अफ नेपाल ९क्यान०ले भदौ १९ देखि २२ गतेसम्म क्यान सफ्टेक २०१३ आयोजना गर्ने भएको छ।  सन् २००७ बाट सुरु भएको सफ्टेकको छैटौं संस्करण राजधानीको भृकुटीमण्डपमा आयोजना गर्न लागिएको क्यानले जनाएको छ । नेपाल जस्तो मुलुकमा सफ्टवेयर, सोलुसन र सर्भिसेस ९सेवा०को विकास र विस्तार गर्न यस्ता कार्यक्रम आवश्यक भएको महसुस गरी वर्षैपिच्छे कार्यक्रम सञ्चालन गर्दै आएको र छैटौं संस्करणमा विगतमा भन्दा थप विशेषता हुने क्यानले जनाएको छ।
   
विश्वविख्यात स्वदेशी तथा विदेशी सफ्टवेयर, सर्भिसेस एन्ड सोलुसन्स र कम्युनिकेसनसम्बन्धी कम्पनीले भाग लिने क्यान सफ्टेक २०१३ को टाइटल स्पोन्सर सुबिसु केवलनेट प्रालि छ। मेलामा १ सय १६ वटा स्टल रहने आयोजकले जनाएको छ। हालसम्म सफ्टवेयरको क्षेत्रमा शिक्षा, कम्प्युटर सुरक्षा, वैकिङ, सूचना व्यवस्थापन, लेखा व्यवस्थापन, एन्टिभाइरस र अस्पताल व्यवस्थापन लगायतका सफ्टवेयर र सेवासम्बन्धी क्षेत्रमा, इन्टरनेट सेवा, केबल तथा डिस टेलिभिजनसम्बन्धी सेवा गरी ९० प्रतिशत स्टल बुक भइसकेको आयोजकले जानकारी दिएको छ। मेलामा सोलुसनको क्षेत्रमा सेक्युरिटी, वायरलेस, प्रिन्टिङ, पावर र विभिन्न एप्लिकेसनसहितका ट्याब्लेटसँग सम्बन्धित स्टल रहनेछन्। साथै कम्प्युटर र सूचना तथा सञ्चार प्रविधिको प्रयोगलाई प्रोत्साहन गर्ने उद्देश्यले यसपालिदेखि स्मार्ट मोबाइल र ल्यापटपसहितका स्टल थप गरिएको क्यान महासचिव अमृतकुमार पन्तले बताए।
गत वर्षको क्यान सफ्टेकमा ४५ हजार अवलोकनकर्ता आएकामा यसपटक १ लाख हाराहारी पुग्ने आयोजकको अनुमान छ। सफ्टेक अवलोकनका लागि सर्वसाधारणलाई प्रवेश शुल्क ५० र विद्यार्थीलाई २५ रुपैयाँ तोकिएको छ। टिकट अनलाइनबाट पनि लिन सकिने व्यवस्था गरेको क्यानका अध्यक्ष इन्जिनियर विनोद ढकालले बताए।
सफ्टेकमा के छन् अफररु
सुबिसुले मेलामा इन्टरनेट, आइपी ट्रान्जिट, डाटा सेन्टर सोलुसन्स् र केबल टेलिभिजनको प्याकेजमा विषेश छुट दिने तयारी गरेको छ। त्यस्तै क्यान सफ्टेक २०१३ मार्फत म्यानेज्ड भिडियो प्रेजेन्स र म्यानेज्ड होस्टिङ सेवासमेत सुरु गर्दैछ। डिसहोमले दसैअघि नै एचडी तथा एक्सक्लुसिभ च्यानल वितरण र मल्टी टिभी अफरअर्न्तगत एकै घरमा एउटाभन्दा बढी टेलिभिजनमा डिस होमको सेवा जडान गरी टिभी हेर्न मिल्ने सुविधा सुरु गर्ने जनाएको छ। त्यस्तै ब्रेनडिजिट आइटी सोलुसन्स्ले आफूले तयार गरेको डट नेट सिएमएस सेजफ्रेमको प्रयोग गरी नयाँ वेबसाइट बनाउने तथा वेबसाइटको कन्टेन्ट सहज व्यवस्थापनसम्बन्धी तरिका प्रदर्शन तथा सोसम्बन्धी जानकारी प्रदान गर्नेछ। फोन पे प्रालिले सफ्टेकमा आफ्नो नयाँ प्रडक्ट क्यास अन एड सुरु गर्ने तयारी गरेको छ। त्यस्तै नेक्स्ट जेनेरेसन टेक्नोलोजीले क्लाउड सर्भिलेन्स सेवा सुरु गर्नेछ।
त्यस्तै वेब सर्फरले ५१२ केबिपिएसको वायरलेस इन्टरनेट ४ सय ९५ रुपैयाँमा र अन्य इन्टरनेट प्याकेजसमेत विशेष छुटमा उपलब्ध गराउने योजना बनाएको छ। त्यस्तै मिदास एजुकेसनले एन्ड्रोइड बेस्ड इ–क्लास र अनलाइन इ–क्लास सुरु गर्ने जनाएको छ। भायनेट कम्युनिकेसनले ६ हजार ९ सय ९९ रुपैयाँमा १ एमबिपिएसको फाइबर टु होम इन्टरनेट सेवा तीनमहिनाको लागि उपलब्ध गराउनुका साथै जडान शुल्कमा ३० प्रतिशत छुट दिने तयारी गरेको छ।

Read more »

अब free मा facebook चलाउनुहोस् ...............

  DIGI को सिम बाट इन्टरनेट चलाउने साथीहरूलार्इ खुशीको खबर...........अब सित्तैमा २४ सै घन्टा फ्रि फेसबुक चलाउनुहोस् .........................
फ्रि फेसबुक कसरी चलाउने त ? यस बारे जान्न तलको notice पढ्नुहोस्
१ – सबै भन्दा पहिले त तपाइले कस्तो खालको mobile use गर्नु हुन्छ ? त्यो जान्नु जरूरी छ, किनकि फ्रि facebook use गर्नको लागी app download गर्नु पर्छ ....कतिपय Samsung मोबाइलहरू मा app download गर्न मिलदैन् । यदि तपाइले app download गर्न नमिल्ने मोबाइल चलाइरहनु भएको छ भने तपाइ ले free मा फेसबुक चलाउन सक्नुहुन्न् ।
२- app download गर्न मिल्छ भने http://www.operamini.com/ मा जानुहोस् , र 7.1 को opera mini download गर्नुहोस् । याद राख्नुहोस् opera mini को अरू point जस्तै 4.4, 3.2, 4. 6 को app पनि हुन्छन् , त्यसबाट फ्रि फेसबुक चलाउन मिल्दैन , त्यसेले opera mini 7.1 app मात्र download गर्नुहोस् ।
३ – यदि तपाइलार्इ माथी दिइएको लिंक बाट app sarch गर्न गाह्रो भयो भने म्यासेज बक्समा गएर opera mini लेखेर 2000 मा पठाउनुस् । त्यसपछि digi ले तपाइलाइ opera mini download गर्ने website दिन्छ्, । त्यसपछि सजिलै download गर्न सक्नुहुन्छ् ।
४ – opera mini download गरिसकेपछि अब internet ब्याग गर्नुस । र internet बन्द गर्नुस् । तपाइले डाउनलोड गरेको app प्राय nokia mobile मा app > game मा गएर बस्छ भने कतिपय सिस्तममा downloader file मा गएर बस्छ । त्यो खोजेर open गर्नुस् ।
५ – अब त्यो app खुल्छ् र http//www. sarching >>>> google page अ।उँछ । sarching मा क्लिक गर्नुस् र o.facebook.com type गरि sarch गर्नुस् । याद राख्नुहोस – यदि तपाइले अगाडि 0. नराखेरै फेसबुक सिधै खोल्नु भयो भने छुट्टै चार्ज लाग्ने छ।
६ – अब तपाइको फेसबुक खुल्छ् । र मजाले २४ सै घन्टा चलाउन सक्नुहुन्छ्
याद राख्नुहोस् - यो फ्रि फेसबुक मा तपाइले फोटो र भियियो हरू upload गर्न र हेर्न सक्नुहुन्न् । हेर्नुभयो भने छुट्टै चार्ज लाग्ने छ । यस्मा फोटो र भिडियो हेर्न र upload गर्न बाहेक अरू सबै गर्न सक्नुहुन्छ् । र अर्को कुरा यो app चलाउदा तपाइको सिम मा minimum १ sen पैसा र date हुनुपर्ने छ ।

Read more »

सामसुङलाई टक्कर दिन यस्तो हुँदैछ आईफोन..(फोटो फिचर)

एन्ड्रोइड अपरेटिङ सिस्टर र एण्ड्रोइडमा आधारित सामसुङका कारण पिडित बन्दै आएको एप्पल कम्पनीले आईओएस ७ सार्वजनिक गरेको छ । एप्पलले यो आइओएसमा व्यापक परिवर्तन गरेको छ ।
नयाँ आईओएसमा इन्टरफेसलाई पुर्णरुपमा रिडिजाइन गरिएको छ। यसमा धैरे अप्सनलाइ सहजै प्रयोग गर्न सकिने बताइएको छ ।
नयाँ आईओएस कस्तो देखिन्छ र कस्ता छन् यसका फिचर तस्विरमा हेर्नुस..

Read more »

रेकर्ड गर्न मिल्ने एलजी स्मार्ट टिभी बजारमा

एलजीको अत्याधुनिक ‘टाइम मेशिन’ प्रविधियुक्त स्मार्ट टिभी नेपाली बजारमा भित्रिएको छ । टाइम मेशिनले टिभीमा प्रत्यक्ष प्रशारण भएका दृश्यलाई लाइभ हेर्दा हेर्दै रिप्ले गरेर अगाडिको दृश्य हेर्न मद्धत गर्छ । यस्तो प्रविधियूक्त टिभी एलजीको नेपालका लागि आधिकारिक बिक्रेता चौधरी समुह अन्र्तगतको सिजी इलेक्ट्रोनिक्सले नेपाली बजारमा भित्राएको हो ।

मनपर्ने कार्यक्रम लाइभ हेर्न नपाउने व्यक्तिका लागि यो प्रविधियूक्त टिभी उपयोगी हुनेछ । यस्तो सुविधा एलजीले २०१३ को संस्करणमा ल्याएका स्मार्ट टिभीमा उपलब्ध छ । टिभीमा पछि आउने कार्यक्रम पनि पहिले नै सेट गरेर रेकर्ड गर्न सकिने कम्पनीले जनाएको छ । कम्पनीका अनुसार नेपालमा यो टिभी ३२ र ४२ इञ्चको साइजमा उपलब्ध छ । ३२ इञ्चको ‘एलए६२००’ मोडलको मूल्य ८७ हजार ९ सय ९० रुपैयाँ रहेको छ भने ४२ इञ्चको ‘एलए६२००’ मोडलको मूल्य १ लाख ५४ हजार ७ सय ९० रुपैयाँ रहेको छ ।

टिभीमा टाइम मेशिनको रेकर्डिङ्ग क्षमतालाई चार प्रकारमा बाँडिएको छ । इन्टरनल रेकर्डिङ्गले टिभी दृश्यलाई मेमोरी कार्डमा सुरक्षित गर्दछ । वाच एण्ड रिकर्डले दर्शकले एउटा टिभी हेरिरहेका बेलामा पनि अर्को च्यानल रेकर्ड गर्दछ । सेड्युल्ड रेकर्डिङ्गले आउने कार्यक्रमको पहिल्यै टाइम सेट गरेर रेकर्ड गर्ने बताइएको छ । लाइभ प्ले ब्याकले दर्शकलाई दृश्य हेर्न, स्थगन गर्न, दृश्य उल्टाउन, सेभ गर्न र दोहोराएर हेर्न मद्धत गर्नेछ ।

एलजीको स्मार्ट टिभीमा एक घन्टाको दृश्य आन्तरिक मेमोरीले नै धान्न सक्छ । त्योभन्दा धेरैको सेभ गर्न एक्सटर्नल हार्ड डिस्कको प्रयोग गर्नुपर्ने हुन्छ । दर्शकले एउटै टिभीमा टु डी र थ्री डी जुन चाहे पनि रोजेर हेर्न सक्छन् ।

यो टिभीमा आफूसँग भएका मोबाइल, पेनड्राइभ र ल्यापटपमा भएका फाइलहरु पनि प्ले गरेर हेर्न सकिन्छ । यसले इन्टेलको वाइडाइ सपोर्ट गर्ने हुँदा ल्यापटपलाई वायरलेस टिभीमा डिस्प्ले गर्न सकिन्छ । त्यस्तै, यसले एमएचएल -केबल) अथवा मोबाइल एचडी लिंक पनि सपोर्ट गर्ने हुँदा मोबाइलको फाइल ठूलो पर्दामा प्ले गर्न सकिन्छ । यसलाई टिभीको म्याजिक रिमोटबाट नियन्त्रण गर्न सकिन्छ । मोबाइलको फाइल टिभीमा हेरिरहँदा मोबाइलमा आफैं ब्याट्री चार्ज पनि हुन्छ ।

टिभीसँगै आउने एनएफसी स्टिकरसँग स्मार्टफोन ट्यागिङ्ग गरेर कन्टेन्ट आपसमा सेयरिङ्ग र मिररिङ्ग गर्न सकिने कम्पनीले जनाएको छ । त्यसैगरी, डीएलएनएमार्फत टिभीमा मिराकास्ट र नेटवर्क फाइल ब्राउजर पनि सपोर्ट गर्ने कम्पनीले जनाएको छ ।

यो टिभीमा टि्रपल एक्सडी इन्जिन छ, जसले कलर, कन्ट्रास्ट र क्लारिटीलाई उत्कृष्ट दृश्य बनाउन सक्छ । यसमा रहेको आईपीएस प्यानलले धेरै मानिसले विभिन्न कोणबाट हेर्दा पनि टिभीको गुणस्तरमा कुनै ह्रास हुँदैन । रिजोलुसन अपस्केलरले सामान्य खालको भिडियोको पनि गुणस्तर वृद्धि गर्न सघाउँछ ।

Read more »

सेप्टेम्बर १० मा नयाँ आइफोन

आइफोन निर्माता कम्पनी एप्पलले आउँदो सेप्टेम्बर १० तारिखका दिन नयाँ संस्करणको आइफोन सार्वजनिक गर्ने भएको छ । टेक्नोलोजी ब्लग अल दिंग्स डी का अनुसार सेप्टेम्बर १० मा हुने विशेष समारोहमा आइफोनले आफ्नो नयाँ प्रडक्ट सार्वजनिक गर्नेछ । यद्यपि आइफोन आफैले भने यस बारेमा कुनै आधिकारिक प्रतिक्रिया दिएको छैन । एप्पलका प्रडक्टको सार्वजनिकिकरणलाई प्रविधि उद्योगको क्षेत्रमा निकै महत्वपूर्ण रुपमा लिइन्छ ।

स्मरण रहोस् संचार संस्था रोयटर्सले गएको जुन महिनामा एप्पलको आगामी योजनाबारे खुलासा गरेको थियो । विभिन्न श्रोतलाई उधृत गर्दै रोयटर्सले एप्पलले अहिलेको भन्दा ठूलो स्क्रिन भएको तथा सस्तो मूल्यका आइफोन निर्माण गरिरहेको समाचार रोयटर्शले प्रकाशन गरेको थियो । एप्पलका प्रडक्टको सार्वजनिकीकरणलाई प्रविधि जगतमा निकै महत्वका साथ हेरिन्छ ।  नयाँ  आइफोनको नाम के रहला ? भन्ने विषयमा विभिन्न अड्कलबाजी समेत हुने गरेका छन् ।

केही समयपहिले एक साइटले प्रकाशन गरेको समाचार अनुसार एप्पलले एउटा मात्र नभएर दुइवटा आइफोन एकैचोटी सार्वजनिक गर्दैछ । त्यसमध्ये एउटा आइफोन सस्तो मूल्यको हुनेछ र त्यसको नाम आइफोन ६ हुनेछ । अर्को आइफोनको नाम आइफोन ५ एस हुने भविष्यवाणी उक्त साइटले गरेको थियो ।

Read more »