सामसुङले ल्यायो तीन नयाँ स्मार्टफोन

विश्वको नम्बर वान स्मार्टफोन निर्माता कम्पनी सामसुङका थप ३ नयाँ स्मार्टफोन नेपाली बजारमा भित्रिएका छन् । नेपाली बजारको मागअनुसार स्मार्टफोन पस्कँदै आएको सामसुङका ग्यालेक्सी सिरिजका स्मार्टफोनहरु भित्रिएका हुन् । सामसुङ मोबाइल नेपाली बजारमा इन्टरनेशन मार्केटिङ सर्भिसेज प्रालिले आधिकारिक रुपमा बिक्री बितरण गर्दै आएको छ ।

सामसुङ ग्यालेक्सी मेगा, मूल्य ४४ हजार

कम्पनीले ‘सामसुङ ग्यालेक्सी मेगा’, ‘सामसुङ ग्यालेक्सी कोर’ र ‘सामसुङ ग्यालेक्सी पकेट निओ’ स्मार्टफोन नेपाली बजारमा भित्राएको हो । स्मार्टफोन नेपाली बजारमा निकै लोकपि्रय रहेका छन् । नयाँ स्मार्टफोनले पनि नेपालीहरुको मन जित्न सफल हुने कम्पनीले विश्वास लिएको छ । यी स्मार्टफोनहरुको आ-आफ्नै विशेषता रहेका छन् ।

ग्यालेक्सी मेगा

५.५ इञ्चको टचस्क्रिनरहेको ग्यालेक्सी मेगामा १.५ जीबी र्‍याम रहेको छ । यसमा १.४ गिगाहर्ज डिउल कोर प्रोशेसर, ८ जीबी इन्टरनल मेमोरी रहेको छ । स्मार्टफोनमा ६४ जीबीसम्म मेमोरी विस्तार गर्न सकिने कम्पनीले जनाएको छ । एण्ड्रोइड ओएस ४.२.२ जेलि बिन अपरेटिङ सिष्टम रहेको यस स्मार्टफोनमा सबैभन्दा नयाँ भर्सनको ओएस सिष्टम प्रयोग गरिएको छ । यस स्मार्टफोनको नेपाली बजारमा ४४ हजार रुपैयाँ पर्ने कम्पनीले जनाएको छ ।

ग्यालेक्सी कोर

दुईवटा सीम प्रयोग गर्न मिल्ने यस स्मार्टफोनमा ४.३ इञ्चको टचस्क्रिन रहेको छ । यसमा १ जीबी र्‍याम, १.२ गिगाहर्ज डिउल कोर प्रसेसर, ८ जीबी इन्टरनल मेमोरी रहेको छ । आवश्यकताअनुसार ६४ जीबीसम्म मेमोरी विस्तार गर्न सकिने कम्पनीले जनाएको छ । स्मार्टफोनमा एण्ड्रोइड ४.१ जेलि बिन अपरेटिङ सिष्टम रहेको छ । यसको मूल्य नेपाली बजारमा २८ हजार ५ सय रुपैयाँ रहेको छ ।

सामसुङ ग्यालेक्सी कोर, मूल्य २८ हजार ५ सय

ग्यालेक्सी पकेट निओ

नेपाली बजारमा १२ हजार ३ सय रुपैयाँ पर्ने यस स्मार्टफोनमा दुई सीम प्रयोग गर्न मिल्छ । यसमा ५१२ एमबी र्‍याम र ४ जीबी इन्टरनल मेमोरी रहेकेा छ । एण्ड्रोइड ओएस ४.१.२ अपरेटिङ सिष्टम रहेको यस स्मार्टफोनमा वाईफाई, जिपिएस, ब्लुटुथ लगाएतका सुविधाहरु रहेका छन् ।

सामसुङ ग्यालेक्सी  निओ, मूल्य १२ हजार ३ सय

Read more »

एनसेलको मासिक १२५ बोनस

एनसेलले आफ्ना प्रयोगकर्तालाई मासिक एकसय २५ को बोनस दिने भएको छ। एनसेलले आफ्नो नेटवर्कमा एक करोड प्रयोगकर्ता पुगेको भनेर बोनस सीमको अफर सुरु गरेको छ।

जसमा ९९ रुपैंयामा ५० को मेन ब्यालेन्स भएको सीममा वर्षको करिब एहकजार पाँचसय बराबरको निशुल्क सेवा दिने बताएको छ। एनसेलले दिने एक वर्षको एकहजार पाँचसयको निशुल्क सेवामा एसएमएस, फोन र इन्टरनेट चलाउन सकिन्छ। एनसेलको अफरमा उपभोक्ताले मासिक एकसय २५ बराबरको सेवा निशुल्क पाउने छन्। एनसेलले जनाए अनुसार उसले यो योजनामा सीमकार्ड किन्ने उपभोक्तालाई मासिक ३० एसएमएस, २० मिनेट फोन र १० एमबी डाटा निशुल्क उपलब्ध गराउने छ। एनसेलले यसरी उपलब्ध गराउने निशुल्क एसएमएस र २० मिनेटको फोन कल अवधि एनसेलको नेटवर्कमा मात्र प्रयोग गर्न पाइनेछ।

Read more »

स्मार्टफोनलाई चुनौति दिँदै क्यानभास ४

काठमाडौं– भारतीय मोबाइल फोन निर्माता कम्पनी माइक्रोम्याक्सले ल्याएको नयाँ फोन ुक्यानभास ४ुले सस्तो मूल्यमा स्मार्टफोन बोक्न चाहनेहरुको सपना पूरा गर्ने भएको छ। समकालीन स्मार्टफोनहरुको तुलनामा यसको मूल्य कम पर्नेछ। यसले सामसङ ग्यालेक्सी एस ४, एचटीसी वन, नोकिया लूमिया, एलजी, गुगल नेक्सस ४ लाई चुनौति दिने अनुमान गरिएको छ।


१३ मेगापिक्सल र ८ कोर प्रोसेसर भएको क्यानभास ४ मोबाइलको मूल्य ३० हजार वरिपरि छ। कम्पनीले यु–ट्युबमा यो नयाँ फोनबारे केही भिडियो जानकारी राखेको छ। फोनले युवालाई आकर्षित गर्ने विश्वास कम्पनीको छ। क्यानभास ४ को मुख्य विशेषता भनेको १३ मेगापिक्सलको क्यामेरा नै हो। यसको अलवा यसमा ५ मेगापिक्सलको फ्रन्ट क्यामेरा पनि छ।

५।५ इन्च एचडी डिस्प्ले स्क्रीन रहेको मोबाइलमा २ जीबी र्यायम, १६ जीबी इन्टरनल मेमोरी, ३२ जीबी एक्सर्टनल मेमोरी र एन्ड्रोइड ४।२।२ अपरेटिङ सिस्टममा यसको प्रयोग गर्न सकिनेछ। मोबाइलको पछिल्लो भाग पलाष्टिकले बनेको छ। यसले एक क्लिकमा १५ सेकेण्डभित्र ९९ फोटो खिच्न सक्ने क्षमता राख्छ। माइक्रोम्याक्सले यस फोनमा ुब्लो– टु अनलकु फीचर पनि राखेको छ। बेस्सरी फुकेपछि पनि मोबाइल अनलक हुन्छ।


फोनमा आलमुनियम कभर लगाइएको छ। तर यसका लागि थप ३ हजार तिर्नुपर्ने हुन्छ। यस नयाँ फोनमा भिडियो हेर्दै म्यासेज वा इमेल पनि गर्न सकिन्छ। एउटा भिडियो हेर्दै अर्कोको प्रिभियु पनि हेर्न सकिन्छ। भिडियो हेर्दाहेर्दै मोबाइल छाडेर अर्कोतर्फ गएमा भिडियो पनि रोकिन्छ। यो फोनको अर्को नयाँ विशेषता हो।


माइक्रोम्याक्सले क्यानभास सिरिजमा अहिलेसम्म चार फोन बजारमा ल्याइसकेको छ। जसमा क्यानभास एचडी, क्यानभास ३ डी, क्याभास म्युजिक र क्याभास वीवा रहेका छन्। बजारमा यी मोबाइलको माग अन्यको तुलनामा बढी छ। क्यानभास ४ ले पनि आफ्ना पुराना सिरिजकै बाटोमा अगाडि लाग्ने अनुमान गरिएको छ।

Read more »

५ सय केन्द्रमार्फत् टेलिकमको वाइम्याक्स सेवा

काठमाडौं( नेपाल टेलिकमले आर्थिक वर्ष २०७०(७१ का लागि कूल ६९ अर्ब ९५ करोड ६३ लाख नौ हजार रुपैयाँको बजेट विनियोजन गरेको छ। टेलिकमका अनुसार सरकारलाई राजस्ववापत रु २१ अर्ब ३५ करोड ३१ लाख ८४ हजार, पुँजीगत खर्चवापत रु १९ अर्ब ४१ करोड ६५ लाख ५४ हजार, आयगत खर्चवापत रु १० अर्ब ६८ करोड ७४ लाख ८६ हजार, लाभांश ९नेपाल सरकारलाई बुझाउने बाहेक अन्य० बापत रु ६१ करोड २४ लाख ८२ हजार रकम छुट्टाएको हो।
   
त्यस्तै ग्राहक लाभांश र सुविधावापत रु ८४ करोड २८ लाख ९९ हजार र अन्य दायित्ववापत रु सात करोड ७१ लाख ८५ हजार, अन्य प्रशासनिक सेयरिङ वापतको भुक्तानी रु एक अर्ब एक करोड ६५ लाख १९ हजार र लगानीवापत रु १५ अर्ब ९५ करोड विनियोजन गरेको टेलिकमका प्रवक्ता गुणकेशरी प्रधानद्वारा जारी विज्ञप्तिमा उल्लेख छ।
त्यसैगरी आव २०६९र७० मा सरकारमा दाखिला गरेको राजस्व विवरणअनुसार लाभांशवापत रु छ अर्ब ५८ करोड ७५ लाख १७ हजार ६००, मूल्य अभिवृद्धि कर, स्वामित्व शुल्क तथा दूरसञ्चार सेवा शुल्कबापत रु चार अर्ब १४ करोड ५२ लाख ३१ हजार ०७९, आयकरवापत रु चार अर्र्ब २४ लाख ७१ हजार ९५८, रोयल्टी र ग्रामीण दूरसञ्चार कोषवापत रु एक अर्ब ९८ करोड ८९ लाख ८६ हजार ८१०, जिएसएम मोबाइलको अनुमतिपत्र नवीकरणवापत रु दुई अर्ब ३१ करोड १० लाख र फ्रिक्वेन्सी दस्तुरवापत रु एक अर्ब ३३ करोड ५९ लाख १७ हजार ५३४ गरी जम्मा रु २० अर्ब ३७ करोड ११ लाख २४ हजार ९८१ सरकारलाई राजस्व बुझाइएको छ।
चालु आर्थिक वर्षमा कम्पनीले रु २१ अर्ब ३५ करोड ३१ लाख ८४ हजार राजस्व सरकारलाई बुझाउने प्रक्षेपण गरेको छ। यस वर्ष कम्पनीले कुल २९ लाख १३ हजार ४०१ लाइन थप टेलिफोन वितरण गर्ने कार्यक्रम रहेको जनाएको छ।
त्यस्तै जिएसएम सेवातर्फ चालु आर्थिक वर्षमा २० लाख मोबाइल लाइन वितरण गर्ने लक्ष्य लिइएको छ। त्यस्तै सिडिएमए सेवातर्फ चालु आर्थिक वर्षमा आठ लाख ८६ हजार लाइन टेलिफोन वितरण गर्ने लक्ष्य राखिएको छ।
यो आर्थिक वर्षभित्र आइपी सिडिएमए सेवाको विस्तार गरी ७५ वटै जिल्लामा सेवा सञ्चालनमा ल्याइनेछ। यो सेवाको विस्तार कार्यबाट ग्रामीण क्षेत्रमा समेत ब्रोडब्यान्ड इन्टरनेट सेवाको पहुँच स्थापित गर्न सहयोग पुग्ने टेलिकमले जनाएको छ।
चालु आर्थिक वर्षमा ल्यान्डलाइन सेवाका २७ हजार ४०१ लाइन टेलिफोन वितरण गर्ने लक्ष्य राखिएको छ। सबै सेवाका ग्राहकहरूको गुनासालाई केन्द्रीकृत गरी छिटो तथा सरल रुपमा सेवा प्रदान गर्न अत्याधुनिक ग्राहक सम्पर्क केन्द्र सञ्चालनमा ल्याइने भएको छ।
त्यसैगरी इन्टरनेट सेवातर्फ ग्राहकको अनपेक्षित जमघट तथा भिडभाड हुने क्षेत्रहरूको पहिचान गरी यसै आर्थिक वर्षभित्र वाइम्याक्समार्फत ५०० स्थानमा कार्यालय स्थापना गरी सेवा विस्तार गरिने भएको छ।

Read more »

डाटा सेवामा तीव्र प्रतिस्पर्धा

काठमाडौं , श्रावण १३ ( नेपाल टेलिकमले इन्टरनेट सेवामा एक वर्षभित्र ५ प्रतिशत बिन्दुको विस्तार पाएको छ । कुल बजारमा नेपाल टेलिकमको डाटा सेवा प्रयोगकर्ताको संख्या ४६ प्रतिशत पुगे पनि ५१ प्रतिशत हिस्सा भने एनसेलको भागमा छ ।

गत जेठ महिनासम्म एक वर्षको अवधिमा नेपाल टेलिकमको डाटामा बजार हिस्सा ५ प्रतिशत बिन्दुले बढेर ४६ प्रतिशत पुगेको हो । एनसेलको बजार हिस्सा यही अवधिमा ५७ प्रतिशतबाट घटेर ५१ प्रतिशतमा आएको छ । टेलिकमको डाटा सेवामा मोबाइलबाट उपलब्ध जीपीआरएससँगै टेलिफोनको एडीएसएल र वायरलेस पनि छन् । कम्पनीले वाइम्याक्स र एडीएसएल सेवामा बढाएको ग्राहकका कारण बजार हिस्सा बढाउन मद्दत पुगेको छ । प्रतिस्पर्धी एनसेलले भने जीपीआरएस र थ्रीजी प्रविधिको इन्टरनेट मात्र छ ।

Read more »