4:32 AM
मोबाइल फोन निर्माता कम्पनी नोकियाले ४१
मेगा पिक्सेल क्यामरा भएको नयाँ स्मार्टफोन सार्वजनिक गरेको छ । नोकिया
लुमिना १०२० नामको उक्त स्मार्टफोन यतिधेरै शक्तिशाली क्यामरायुक्त पहिलो
स्मार्टफोन हो । स्मार्टफोनको क्यामराले रेकर्ड गर्न असम्भव लाग्ने कुराहरु
यो नयाँ स्मार्टफोनले रेकर्ड गर्ने दाबी नोकियाको छ ।
यो क्यामराले खिचेका तस्वीर जूम गरेर रिफ्रेम गर्न सकिने र त्यसो गर्दा तस्वीरको क्वालिटीमा कुनै फरक नपर्ने नोकियाले जनाएको छ ।
विश्लेषकहरुले पनि नोकियाको लुमिना १०२०
को क्यामरा अहिलेसम्म बजारमा रहेका मध्ये सबैभन्दा उत्तम स्मार्टफोन
क्यामरा भएको बताएका छन् । तर क्यामराकै कारण यो स्मार्टफोनको बिक्रि निकै
उच्च हुने कुरामा भने उनीहरु विश्वस्त छैनन् ।
हुनत नोकियाले अघिल्लो वर्ष आफ्नो
स्मार्टफोन प्योर भ्यु ८०८ मोडलमा पनि ४१ मेगापिक्सेलको क्यामरा नराखेको
होइन । तथापि उक्तस्मार्टफोनको अपरेटिङ सिस्टम निकै पूरानो भएकाले त्यो
उपभोक्ताको रोजाइमा पर्न सकेन । पछिल्लो स्मार्टफोन भने माइक्रोसफ्टको
विन्डोज फोन प्लाटर्फमबाट चल्ने र त्यसमा १ लाख ६० हजार भन्दा बढि
एप्लिकेसन भएकाले लुमिना १०२० ले राम्रै बजार पाउने अपेक्षा गरिएको छ ।
यो स्मार्टफोनबाट भिडियो रेकर्ड गर्दा ४
गुणा जुम गरेर हाइ डेफिनेसन भएको गुणस्तरीय भिडियो खिच्न सकिने नोकियाले
जनाएको छ । अमेरिकी बजारमा यसको मुल्य दुइ वर्षे कन्ट्रयाक्टमा ३ सय डलर
पर्ने बताइएको छ ।
