ट्याक्सी भाडादर थाहा पाउने एप आएछ।

गुगल प्ले र एप्पल एप स्टोरमा तीनवटा नयाँ नेपाली एप थपिएका छन्। छुट्टाछुट्टै सुविधाका नयाँ एपहरु उक्त स्टोरमा राखिएको महिना दिनमै हजार–हजारको हाराहारीमा डाउनलोड भइसकेका छन् ।

एप्पिकाली प्रालिले निर्माण गरेको नेप्से एप, ट्याक्सी फेयर्स नेपाल र प्यानिक एसएमएस एप्लिकेसनले नयाँ नेपाली एप्लिकेसन खोजिरहेका टेक्नोपुस्तालाई फाइदा पुग्ने कम्पनीले जनाएको छ। पछिल्लो समय नेपालमा स्मार्टफोन बिक्री बढिरहेको र नेपाली मोबाइल प्रयोगकर्ता विभिन्न एपमा रमाइरहेको बेला नयाँ उपयोगी एप स्टोरमा ल्याइएको एप्पिकाली प्रालिका प्रमुख कार्यकारी अधिकृत निकोलस पाण्डेले बताए।

एप्पिकालीका लागि सन्दिप ढकालको नेतृत्वले निर्माण गरेको नेप्से एपमा नेपालको शेयर बजारको सबै जानकारी समेटिएको छ। यो एपमार्फत् शेयर बजारका गतिविधिमा प्रत्यक्ष अपडेट हुन सकिन्छ। शेयरको बजार मूल्य, सूचना, समीक्षा, फ्लोर सिट जस्ता विषयमा जानकारी लिन सकिने कम्पनीले जनाएको छ। त्यस्तै यो एप्समा पोर्टफोलियोको माध्यमबाट आफ्नो लगानीको दैनिक नाफा–नोक्सान हिसाब हेर्न सकिनेछ ।

त्यस्तै, ट्याक्सी फेयर्स नेपाल एपले यात्रुलाई ट्याक्सी चढ्ने स्थानबाट गन्तव्यसम्मको यात्रा दूरीको जानकारी दिन्छ। उक्त दूरीको ट्याक्सी भाडाको जानकारी पनि यसले दिन्छ। यसले ट्याक्सी चालक र यात्रुबीच भाडाका विषयमा हुने विवाद कम गर्न सक्ने कम्पनीले जनाएको छ। यो एपले ट्याक्सी चढेको र ओर्लेको स्थान देखाउनुका साथै दिउँसो र रातिको भाडा, वेटिङ चार्ज, फ्ल्याग डाउन चार्जबारे पनि यात्रुलाई जानकारी दिन्छ ।

निर्माण गरिएका एपमध्ये विश्वव्यापी रुपमा प्रयोग गरेर लाभ लिन सकिने प्यानिक एप्समा सर्वसाधारणले आफूलाई आपतकालीन अवस्थामा नजिकको व्यक्ति तथा प्रहरीलाई जानकारी गराउन सक्ने सुविधा छ। एपमा ३ वटा आफ्ना नजिकका मान्छे वा प्रहरीको नम्बर सेभ गरेर आपत परेको बेला फोनको पावर बटन निरन्तर ४ पटक थिचेपछि एपले प्रत्येक २ मिनेटको अन्तरमा सेभ गरेको नम्बरमा जिपिएस लोकेसन र नक्सासहित सन्देश पठाउँछ। यो एपले आपतमा परेका व्यक्तिलाई तत्काल उद्धार गर्न सहयोग पुग्नेछ।

नेप्से एप एन्ड्रोइड र आइओएस दुवै अपरेटिङ सिस्टममा चल्छ भने ट्याक्सी एप हाललाई एन्ड्रोइडमा उपलब्ध छ। केही महिनामै यो आइओएसका लागि पनि निर्माण हुने कम्पनीले जनाएको छ। त्यस्तै, प्यानिक एप एप्पलको आइओएसमा उपलब्ध छ। नेप्से एप हाल १२ सय, ट्याक्सी एप ८ सयभन्दा बढी र प्यानिक एप १ हजारपटक डाउनलोड भइसकेको छ। तीनवटै एप्स निःशुल्क डाउनलोड गर्न सकिन्छ।

ुहामीले पहिलोपटक निर्माण गरेको एप औपचारिक जानकारी नगराउँदा पनि हजारौंपटक डाउनलोड भइसकेका छन्। त्यसैले औपचारिक जानकारी दिएर यसको लन्चिङ गर्ने योजना छ,ु पाण्डेले भने। कम्पनीले यसपछि ८ वटा नयाँ एप सार्वजनिक गर्ने योजना बनाएको छ। एउटा एप निर्माण गर्न सर्भर र प्राविधिक खर्च गरी ३ लाख रुपैयाँ लागेको कम्पनीको दाबी छ।

नेपालमा एन्ड्रोइड, आइफोन स्मार्टफोन बोक्ने ग्राहक बढ्दै गएपछि नेपाली एप बन्ने क्रम बढेको छ।

Read more »

कस्ता छन् नेपाल भित्रिएका नयाँ सामसङ स्मार्टफोन?

नेपालमा मोबाइलको बजार हिस्सा बढाउँदै लगेको सामसङले थप ३ नयाँ ग्यालेक्सी सिरिजको स्मार्टफोन ल्याएको छ। सामसङको ग्यालेक्सी मेगा, ग्यालेक्सी कोर र ग्यालेक्सी पकेट नियो नामका तीन स्मार्टफोन हालै बजारमा ल्याइएका हुन्।

५।८ इन्चको मेगामा १।५ जिबी र्याम र १।४ गिगाहर्ज डुअल कोर प्रोसेसर छ। ८ जिबी आन्तरिक मेमोरी रहेको मोबाइलमा ६४ जिबी थप मेमोरी राख्न सकिन्छ। यसमा सबैभन्दा नयाँ ४।२।२ जेली विन एन्ड्रोइड अपरेटिङ सिस्टम छ। यसको बजार मूल्य ४४ हजार तोकिएको नेपालका लागि सामसङको अधिकृत बिक्रेता इन्टरनेसनल मार्केटिङ सर्भिसले जनाएको छ।

डुअल सिमको सुविधा रहेको कोरको डिप्ले ४।३ इन्चको छ  १ जिबी र्‍याम र १।२ गिगाहर्ज डुअल कोर प्रोसेसर रहेको यसमा पनि ८ जिबी आन्तरिक मेमोरी र ६४ जिबी मेमोरी सर्पोट गर्ने क्षमता छ। यसमा एन्ड्रोइडको ४।१ अपरेटिङ सिस्टम छ । यसको बजार मूल्य २८ हजार ५ सय तोकिएको छ। डुअल सिम नै भएको पकेट नियोमा ५१२ एबीको र्याम र ४ जिबीको आन्तरिक मेमोरी छ। यसले ३२ जिबीको मेमोरी सपोर्ट गर्छ । वाइफाई र जिपिएस सुविधा रहेको यो फोनमा एन्ड्रोइडको ४।१।२ अपरेटिङ सिस्टम छ । यसको मूल्य १२ हजार ३ सय पर्छ।

नेपाली बजारमा सामसङका स्मार्टफोन निकै लोकप्रिय रहेको भन्दै कम्पनीले नयाँ मोडलले पनि चाँडै नै ग्राहकको मन जित्ने कम्पनीले जनाएको छ।

Read more »

मह‌ँगा स्मार्टफोनलाइ कार्बनको चुनौती

नयाँ दिल्ली( भरतीय मोबाइल निर्माता कम्पनी कार्बनले अन्य विदेशी मोवाइल कम्पनीसँग प्रतिस्पर्धा गर्न कम्मर कसेको छ। यसै क्रममा उसले महंगा स्मार्ट फोनहरुमा हुने फिचर्सहरु आफ्ना कम मूल्यका मोबाइहरुमा राखेर निकालेको छ। यसले गर्दा बढी मूल्यका स्मार्टफोन बोक्न नसक्नेहरुको लागी कार्बन रोजाइ बन्दै गएको छ।

हालै कार्बनले दुई नयाँ स्मार्टफोन ल्याएको छ। कार्बनले स्टार सिरिजको यो स्मार्टफोनको अनलाइन बुकिङ खुला गरिसकेको छ। कार्बन ए वान र कार्बन ए फाइभले पाएको सफलतापछि कार्बनले नयाँ फोन ल्याएको सहज अनुमान लगाउन सकिन्छ।
कार्बन ए वान स्मार्टफोन
स्क्रिन ३।५ इन्च रहेको कार्बन ए वान स्मार्टफोनको डिस्प्ले रेज्यूलोशन ३२०×४८० पिक्सल रहेको छ। यो फोन आइसिएस ४।० एन्ड्रोइड ओएस अपरेटिङ सिस्टम अनुसार चल्छ। यसमा दुई वटा सिम चलाउन सकिन्छ।

१ गिगाहटर्ज प्रोसेर रहेको फोनको इन्टरनल मेमोरी ५१२ एमबीको छ। कार्बनले यसमा २५६ एमबी र्योम रहेको यो स्मार्टफोनमा ३ मेगा पिक्सलको क्यामरा रहेको छ भने १४५० एमएएच ब्याट्री राखिएको छ।
कार्बन ए ५ स्मार्टफोन
हेर्दा यी दुवै फोन एउटै लाग्छन्। यो पनि दुइ सिम लाग्ने फोन हो। ए भाइभ स्मार्टफोन जिन्जरब्रेड ओएस अनुसार चल्छ। यी दुबै फोनको फिचर्समा खास फरक छैन। दुबैमा क्यामरा छन्। यसमा ३।२ मेगापिक्सलको क्यामरा रहेको छ। जो ए१ फोनको भन्दा ०।२ मेगा पिक्सल मात्र बढी हो। यसको फ्रन्ट क्यामेरा वीजीए क्वालिटीको रहेको छ।

Read more »

फेसबुकले सुरु गर्‍यो एम्बेडेबल पोष्ट

सार्वजनिक अन्तरक्रियालाई अझ सशक्त पार्ने उद्देश्यले फेसबुकले ुएम्बेडेबल पोष्टु सेवा सुरु गरेको छ। ट्विटर र युट्युबलाई पछ्‌याउँदै फेसबुकले पनि उस्तै ढंगले एम्बेड गर्नसक्ने सुविधा ल्याएकव छ। पोष्टको दायाँपट्टि एम्बेड अप्सन राखिएको छ। त्यहाँ क्लिक गर्नासाथ प्राप्त हुने कोडलाई ब्लग वा न्युज मिडियाले पेष्ट गरी एम्बेड गर्न सक्नेछन्।


फेसबुकले तत्काललाई एम्बेड सुविधा सबै प्रयोगकर्तालाई दिइसकेको छैन। सिएनएन, हफिङ्टन पोष्ट र पीपल म्यागेजिनले सुरुमा यो सुविधा पाएका छन्। फेसबुकको एम्बेड सुविधाबाट ब्लग तथा डिजिटल मिडिया लाभान्वित हुने फेसबुकको विश्वास छ।

फेसुबकको यो सुविधाले सर्वसाधारणका अभिव्यक्त पोष्ट एम्बेड गरी मिडियाले प्रयोग गर्न सहज बनाइदिनेछ। हुन त फेसबुकका ७२ प्रतिशत प्रयोगकर्ता आफ्ना पोष्टलाई प्राइभेट राख्न चाहन्छन् भन्ने एक सर्भेले देखाएको थियो। अरब आन्दोलन जस्ता जनअभियानमा एम्बेड र ह्यास ट्यागबाट ट्विटरले आफूलाई अझ सशक्त सावित गरेको थियो। फेसबुक अहिले त्यो कुरामा आफूलाई अब्बल बनाउनतर्फ लाग्दैछ। जुन महिनाको मध्यमा फेसबुकले ह्यासट्याग सुविधा ल्याइसकेको छ।

यसरी देखिन्छ एम्बेड कोड

Read more »

इभिडिओको थ्रिजी इन्टरनेट पश्चिम क्षेत्रमा पनि

नेपाल टेलिकमले आइपिसिडिएमए प्रविधिमा आधारित इन्टरनेट सेवा प्याकेजमा उपलब्ध गराउन थालेको छ। पोखरा र आसपास क्षेत्रमा बुधबारदेखि बिक्री थालिएको यो प्रविधिबाट तेस्रो पुस्ता ९थ्रिजी० को इन्टरनेट चलाउन सकिने टेलिकमले जनाएको छ।

पुरानो प्रविधि विस्थापन गरेको टेलिकमले डाटा प्याकेजमा युएसबी डोंगोलसहित प्याकेज उपलब्ध गराउन थालेको बुधबार आयोजित पत्रकार भेटघाटमा वायरलेस सेवाका नायब प्रबन्ध निर्देशक अनुपरञ्जन भट्टराईले जानकारी दिए। ुइभिडिओ सेवामार्फत भ्वाइस सेवाको अतिरिक्त ३।१ एमबिपिएस डाउनलोड क्षमतामा इन्टरनेट चलाउन सकिन्छ,ु भट्टराईले भने, ुयो निकै प्रभावकारी बन्दै गएको छ।ु टेलिकमले गत वैशाखदेखि पोखरा र आसपासमा डाटाकार्ड बिना इभिडिओ सेवा बिक्री गरिरहेको थियो।

टेलिकमले डाटा प्याकेज बिक्री थालेको अवसर पारेर यसका प्रयोगकर्तालाई छुट योजना अघि सारेको छ । भट्टराईका अनुसार डाटाकार्ड सहित उपलब्ध हुने यो सेवामा ग्राकहले २ हजार ३ सय ५९ रुपैयाँ तिरेपछि ५ जिबी डाटा पाउँछन् । त्यससँगै १ जिबीको मेमोरीकार्ड, १ सय रुपैयाँको ुटकभ्यालुुको सुविधा पाउनेछन् । ५ जिबी डाटाको समय तीन महिना हुने उनले जानकारी दिए । ुयसको वास्तविक मूल्य करिब ५ हजार रुपैयाँ पर्छ, तर शुभारम्भको अवसरमा विशेष छुट दिएका हौं उनले भने ।

बजारमा हाल बिक्री भइरहेका यस्तै सेवामध्ये टेलिकमले ल्याएको यो प्याकेज सबैभन्दा सस्तो भएको उनले दाबी गरे । ुअरु कम्पनीको भन्दा यसको मूल्य निकै सस्तो छ । अहिले एक मेगाबाइटको मूल्य ५० पैसा पर्छ । सबै कम्पनीले यति सस्तोमा यो सेवा दिन सकेका छैनन् उनले भने ।

आइपिसिडिएमए प्रविधिको सेवा अहिलेसम्म देशका ४५ जिल्लामा सञ्चालनमा आएको टेलिकमले जनाएको छ । आगामी दसैंभित्र मुलुकभर पहुँच पु¥याउने टेलिकमका भट्टराईले जानकारी दिए । यसले नेपालको डिजिटल डिभाइड कम गर्न योगदान पुर्या उने भट्टराईले बताए ।

टेलिकमले यसको सेवा बिस्तार गर्न पुरानो प्रविधिमा आधारित बिटिएस विस्थापन गरी नयाँ प्रयोगमा ल्याएको छ । सबै गाविस र क्षेत्रमा गुणस्तरीय सेवा प्रदान गर्न नयाँ प्रविधि भिœयाएको टेलिकम पोखराका प्रमुख प्रकाशमान प्रधानले बताए । ुदु्रत गतिको इन्टरनेट सेवा दिनेसहित कुराकानीको गुणस्तर वृद्धि गर्न यो प्रविधि भिœयाएका हौं,ु उनले भने, ुअब सबै गाउँमा गुणस्तरीय इन्टरनेट सेवा दिन सकिन्छ । धेरैजनाले इन्टरनेटको गति सुस्त भएको गुनासो गरिरहेकोमा यो प्रविधिले उनीहरुको मागसम्बोधन गर्छ ।

वातावरणमैत्री र कम पावर खपत गर्ने यसका टावरले लोडसेडिङमा पनि गुणस्तरमा समस्या आउन नदिने वरिष्ठ इन्जिनियर सन्तोष शर्माले बताए । ुपुराना बिटिएसले निकै धेरै पावर खपत गर्दा समस्या थियो,ु उनले भने, ुतर नयाँमा यो समस्या आउने छैन । लोडसेडिङमा पनि यसमा समस्या आउँदैन ।ु टेलिकमले इभिडिओ सेवालाई ुस्काई प्रोुको नाममा बिक्री गरिरहेको छ ।

इभिडिओमा आकर्षण छ स् अनुपरञ्जन भट्टराई, नायब प्रबन्ध निर्देशक ( वायरलेस इन्टरनेट सेवा )
इभिडिओ थ्रिजी इन्टरनेट सेवा कस्तो प्रविधि हो 
?
यो प्रविधि वायरलेस इन्टरनेट प्रविधिमा आधारित छ । डाटा कार्डमा रिमकार्ड राखेर इन्टरनेट चलाउन सकिने यो प्रविधि तीव्र गतिमा इन्टरनेट चलाउन चाहने प्रयोकर्ताका लागि ल्याएका हौं । टेलिकमले यसअघि डाटाकार्ड बिनाको प्रविधि मात्र भित्र्याएको थियो । प्रयोगकर्तालाई गुणस्तरीय सेवा दिन बन्डलिङसहितको सुविधा सुरु गरेका छौं ।

यो सेवा कुन वर्ग लक्षित छ ?
गाउँगाउँमा बस्ने र डाँडाकाँडामा पुगेर तीव्र गतिको इन्टरनेट चलाउन चाहने प्रयोगकर्तालाई हामीले लक्षित वर्ग ठानेका छौ । गाउँमा थ्रिजी प्रविधिको इन्टरनेट चलाउन अहिलेसम्म कुनै विकल्प थिएन । अहिले पनि हामी एक्लै छौ । गाउँमा बसीबसी पनि अब प्रयोगकर्ताले भिडियो च्याट गर्न सक्छन् ।

मूल्य कस्तो छ ?
वायरलेस थ्रिजी इन्टरनेट प्रविधिमा यो सबैभन्दा सस्तो छ । हामीले एक मेगाबाइटको मूल्य ५० पैसा तोकेका छौं । सबै कम्पनीले यति सस्तोमा यो सेवा दिन सकेका छैनन् । त्यसैले गाउँका बासिन्दाका लागि पनि सहज छ । शुभारम्भ प्याकेजमा पनि हामीले ५० प्रतिशतभन्दा बढी छुट दिएका छौं । ५ हजार रुपैयाँ जति पर्ने ५ जिबीको प्याकेज डोंगोलसहित २ हजार ३ सय ५९ रुपैयाँमा उपलब्ध गराएका छौं । यसमा १ जिबीको मेमोरी कार्ड, १ सय रुपैयाँको ुटकभ्यालुु पनि सित्तैमा पाइन्छ । ५ जिबी डाटाको समय तीन महिना हुन्छ ।

राजधानीमा सुरु भइसकेको यो सेवाप्रति ग्राहकको प्रतिक्रिया कस्तो छ ?
राजधानीमा दुईवटा शिक्षा मेलामा यो बेच्यौं । त्यसमा देखिएको ग्राहकको आकर्षण र सकारात्मक प्रतिक्रियाबाट उत्साहित भएर राजधानीबाहिर पनि सेवा विस्तार गरेका हौं।

Read more »